ବାଙ୍ଗାଲୋର,୯।୧୧: ୨୦୨୨ ଆଇପିଏଲ୍ ପୂର୍ବରୁ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍ସିବି) ପକ୍ଷରୁ କୋଚ୍ ପଦ ନେଇ ବଡ଼ ଘୋଷଣା କରାଯାଇଛି। ମଙ୍ଗଳବାର ଆରିସିବି ଆଗାମୀ ଦୁଇ ବର୍ଷ ପାଇଁ ସଞ୍ଜୟ ବାଙ୍ଗରଙ୍କୁ ଦଳର ମୁଖ୍ୟ କୋଚ ଭାବେ ନିଯୁକ୍ତି ଦେଇଛି। ତେବେ ମାଇକ ହେସୋନ ଆରସିବିର ନିର୍ଦ୍ଦେଶକ ଭାବେ କାମ କରିବେ।
ଆଇପିଏଲ ୨୦୨୧ରେ ସଞ୍ଜୟ ବାଙ୍ଗର ଆରସିବିର ବ୍ୟାଟିଂ ପରାମର୍ଶଦାତା ଭାବେ କାମ କରୁଥିଲେ। ଏହାପୂର୍ବରୁ ସେ ଟିମ ଇଣ୍ଡିଆର ବ୍ୟାଟିଂ କୋଚ୍ ଥିଲେ। ଟିମ ଇଣ୍ଡିଆ ସହ କାର୍ଯ୍ୟକାଳ ଶେଷ ହେବା ପରେ ସେ ଆରସିବି କ୍ୟାମ୍ପରେ ଯୋଗଦେଇଥିଲେ।
ଖୁବଶୀଘ୍ର ଆଇପିଏଲ୍ ପାଇଁ ନିଲାମ ପ୍ରକ୍ରିୟା ଆରମ୍ଭ ହେବ। ପ୍ରତି ଦଳ ୪ ଜଣ ଖେଳାଳିଙ୍କୁ ରଖି ବାକି ସମସ୍ତଙ୍କୁ ରିଲିଜ କରିବେ। ଏପରି ସ୍ଥିତିରେ ପୂର୍ବ ପ୍ରସ୍ତୁତି ଆରମ୍ଭ କରିଛି ଆର୍ସିବି। ବାଙ୍ଗର ଆରସିବି ପାଇଁ କେଉଁମାନଙ୍କୁ ରଖୁଛନ୍ତି, ତା’ ଉପରେ ସମସ୍ତଙ୍କ ନଜର ରହିବ। ଅପରପକ୍ଷେ ଆସନ୍ତାବର୍ଷ ବିରାଟ କୋହଲି ଆରସିବିର ନେତୃତ୍ୱ ନେବେନାହିଁ। ଏଣୁ ଦଳ କାହାକୁ ଅଧିନାୟକ କରୁଛି ତାହା ଦେଖିବାକୁ ସମସ୍ତେ ଅପେକ୍ଷା କରିଛନ୍ତି।