ମୁମ୍ବାଇ,୧୦।୧୧: ମନି ଲଣ୍ଡରିଂ ମାମଲାରେ ଜେଲ୍ରୁ ମୁକୁଳିବାର ଗୋଟିଏ ଦିନ ପରେ ସଞ୍ଜୟ ରାଉତ ଶିବସେନା (ୟୁବିଟି) ମୁଖ୍ୟ ଉଦ୍ଧବ ଠାକରେଙ୍କୁ ଭେଟିବା ପାଇଁ ତାଙ୍କ ବାସଭବନରେ ପହଞ୍ଚିଛନ୍ତି। ଉଦ୍ଧବ ଠାକରେଙ୍କ ପୁଅ ତଥା ମହାରାଷ୍ଟ୍ରର ପୂର୍ବତନ ମନ୍ତ୍ରୀ ଆଦିତ୍ୟ ଠାକରେ ରାଉତଙ୍କୁ ‘ମାତୋଶ୍ରୀ’ ବାହାରେ ଅଭିବାଦନ ଜଣାଇବା ସହ କୋଳାଗ୍ରତ କରିଥିଲେ। ଜେଲ୍ରୁ ବାହାରିବା ପରେ ଆଜି ସାକ୍ଷାତକାର କରି ବହୁ ଭଲ ଲାଗିଲା ବୋଲି ଆଦିତ୍ୟ କହିଥିଲେ। ତେବେ ଆଦିତ୍ୟଙ୍କ ଏଭଳି କଥାରେ ସଞ୍ଜୟ କହିଥିଲେ ମୁଁ ପ୍ରଥମ ଥର ମାତୋଶ୍ରୀ ଆସିନାହିଁ। ଏହି ସାକ୍ଷାତକାର ପରେ ସଞ୍ଜୟଙ୍କ ସହ ଉଦ୍ଧବ ଏକ ଖବରଦାତା ସମ୍ମିଳନୀ କରିଛନ୍ତି। ସଞ୍ଜୟଙ୍କ ଆଗମନରେ ମୁଁ ବହୁତ ଖୁସି। ସେ ଆସିବା ପରେ ଆମ ସ୍ବର ବୃଦ୍ଧି ପାଇଛି। ଏମ୍ପି ତଥା ଶିବସେନା ନେତା ହେବା ବ୍ୟତୀତ ସେ ମୋର ବିଶେଷ ବନ୍ଧୁ। ତେବେ କୋର୍ଟଙ୍କ ନିର୍ଦ୍ଦେଶ ପ୍ରମାଣିତ କରିଛି ଯେ, କେନ୍ଦ୍ର ସରକାର ବିରୋଧୀ ଦଳ ବିରୋଧରେ ଏଜେନ୍ସିଗୁଡ଼ିକର ଅବବ୍ୟବହାର କରୁଛନ୍ତି। ସଞ୍ଜୟ ରାଉତ ଦେଖାଇଦେଲେ ଯେ ସେ ନଇଁବେ ନାହିଁ। ତୋପ ସବୁବେଳେ ତୋପ, କିଛି ଦିନ ପାଇଁ ଏହା ଶାନ୍ତ ଥିଲା। କିନ୍ତୁ ବର୍ତ୍ତମାନ ତୋପ ବାହାରିଛି ପୁଣି ଗର୍ଜନ କରିବ।
