ମୁମ୍ବାଇ,୯।୬: ଶିବସେନା ମୁଖ୍ୟ ଉଦ୍ଧବ ଠାକରେଙ୍କ ଦଳର ନେତା ସଞ୍ଜୟ ରାଉତଙ୍କୁ ମିଳିଲା ହତ୍ୟା ଧମକ । ସଞ୍ଜୟଙ୍କ ବିଧାୟକ ଭାଇ ସୁନୀଲ ରାଉତଙ୍କୁ ଅଜଣା ବ୍ୟକ୍ତିଙ୍କଠାରୁ ଏକ କଲ ଆସିଥିଲା, ଯିଏକି ସଞ୍ଜୟଙ୍କୁ ଗୁଳି କରି ହତ୍ୟା କରିବାକୁ ଧମକ ଦେଇଥିଲେ।
ଏହି ସମୟରେ ଏକ ବାର୍ତ୍ତାଳାପ ଭାଇରାଲ ହେବାରେ ଲାଗିଛି, ଯେଉଁଥିରେ ବ୍ୟକ୍ତି ସଞ୍ଜୟ ରାଉତଙ୍କୁ ଖବରଦାତା ସମ୍ମିଳନୀ ବନ୍ଦ କରିବାକୁ କହୁଛନ୍ତି ଏବଂ ରାଜି ନ ହେଲେ ଗୁଳି ଚଳାଇବାକୁ ଧମକ ଦେଉଛନ୍ତି। ଏହା ସହିତ ବାର୍ତ୍ତାଳାପ ସମୟରେ ଉଭୟ ପକ୍ଷରୁ ଅନେକ ଦୁର୍ବ୍ୟବହାର ମଧ୍ୟ କରାଯାଇଛି।