ମୁମ୍ବାଇ,୧୧।୫: ମହାରାଷ୍ଟ୍ରରେ ଶାସନ କ୍ଷମତା ସଂଘର୍ଷ ମାମଲାରେ ସୁପ୍ରିମକୋର୍ଟଙ୍କ ସୁରକ୍ଷିତ ରାୟର ଗୁରୁବାର ଶୁଣାଣି କରାଯିବ। ଏସବୁ ମଧ୍ୟରେ ଉଦ୍ଧବ ଠାକରେ ଗ୍ରୁପର ନେତା ସଞ୍ଜୟ ରାଉତ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି, ଯଦି ଗୁରୁବାର ମୁଖ୍ୟମନ୍ତ୍ରୀ ଶିନ୍ଦେଙ୍କ ସମେତ ୧୬ ବିଧାୟକଙ୍କୁ ଅଯୋଗ୍ୟ ଘୋଷିତ କରି ଦିଆଯାଏ ତେବେ ଦେଶଦ୍ରୋହୀଙ୍କ ଦଳର ଶେଷ ହୋଇଯିବ।
ସୂଚନାଯୋଗ୍ୟ, ସୁପ୍ରିମକୋର୍ଟ ଚଳିତ ବର୍ଷ ମାର୍ଚ୍ଚରେ ଉଦ୍ଧବ ଠାକରେ ଏବଂ ରାଜବୈତିକସଙ୍କଟ ସହ ଜଡିତ ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ଆବେଦନ ଉପରେ ରାୟ ସଂରକ୍ଷିତ ରଖିଥିଲେ। ଏଥିରେ ୧୬ ଶିବସେନା ବିଧାୟକ (ଶିନ୍ଦେ ଦଳ)ଙ୍କ ଅଯୋଗ୍ୟତା ପାଇଁ ଏକ ଦାବି ମଧ୍ୟ ଅନ୍ତର୍ଭୁକ୍ତ ହୋଇଥିଲା ଯେଉଁମାନେ ଉଦ୍ଧବ ଠାକରେଙ୍କ ନେତୃତ୍ୱରେ ବିଦ୍ରୋହ କରିଥିଲେ।
ଗତ ବର୍ଷ ଜୁନରେ ଏକନାଥ ଶିନ୍ଦେ ଶିବସେନାରେ ବିଦ୍ରୋହ କରିଥିଲେ, ଯାହାଦ୍ୱାରା ଉଦ୍ଧବ ଠାକରେଙ୍କ ପାର୍ଟିରେ ବିଭାଜନ ହୋଇଥିଲା। ଫଳ ସ୍ବରୂପ ମହାବିକାଶ ଆଘାଡି ସରକାର ଭାଙ୍ଗି ଯାଇଥିଲା ଏବଂ ଉଦ୍ଧବ ଠାକରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ। ମହାବିକାଶ ଅଘାଡି ସରକାର ତତ୍କାଳୀନ ଶିବସେନା, ଏନସିପି ଏବଂ କଂଗ୍ରେସ ଦ୍ୱାରା ପରିଚାଳିତ ହେଉଥିଲେ। ପରେ ଏକନାଥ ଶିନ୍ଦେ ବିଜେପି ସହ ମେଣ୍ଟ କରି ସରକାର ଗଠନ କରିବାକୁ ନିଷ୍ପତ୍ତି ନେଇଥିଲେ।