ନୂଆଦିଲ୍ଲୀ,୧୦।୫: ରାଜ୍ୟ ସଭା ଏମପି ତଥା ଶିବସେନାର ଠାକରେ ଗ୍ରୁପର ନେତା ସଞ୍ଜୟ ରାଉତ ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଭାରତୀୟ ଜନତା ପାର୍ଟି(ଭାଜପା)କୁ ଟାର୍ଗେଟ କରିଛନ୍ତି। ସଞ୍ଜୟ ରାଉଥ ଟୁଇଟ କରି ଦାବି କରିଛନ୍ତି କି କର୍ନାଟକ ବିଧାନସଭା ନିର୍ବାଚନରେ ଭାଜପା ହାରିବାକୁ ଯାଉଛି। ଏହାସହ ସେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କୁ ବି ଟାର୍ଗେଟ କରିଛନ୍ତି।
ସଞ୍ଜୟ ରାଉତ ଟୁଇଟ କରି ଲେଖିଛନ୍ତି, କର୍ନାଟକ ଜନତା ଆଜି ଭୋଟ ଦେଉଛନ୍ତି। କର୍ନାଟକ ନିର୍ବାଚନରେ ପ୍ରଧାନମନ୍ତ୍ରୀ ମୋଦି ଓ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଝାଳ ଓ ଟଙ୍କା ଖୁବ ବୁହାଇଛନ୍ତି ହେଲେ ଏହି ନିର୍ବାଚନରେ ଭାଜପା ହାରିବାକୁ ଯାଉଛି, ଯାହା ୨୦୨୪ ପୂର୍ବରୁ ଶୁଭ ସଙ୍କେତ।
ଟୁଇଟରେ ଏକନାଥ ଶିନ୍ଦେଙ୍କୁ ଟାର୍ଗେଟ କରି ରାଉତ ଲେଖିଛନ୍ତି, ନିଜକୁ ଶିବସେନା କହୁଥିବା ମହାରାଷ୍ଟ୍ରର ଶାସକ(ମୁଖ୍ୟମନ୍ତ୍ରୀ) ମହାରାଷ୍ଟ୍ର ଏକିକରଣ ସମିତିକୁ ସୀମାବର୍ତ୍ତି ଅଞ୍ଚଳରେ ହରାଇବାର ଯୋଜନା କରିଥିଲେ। ନିଜକୁ ଶିବସେନା କହୁଥିବା ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଏକିକରଣ ସମିତିର ପ୍ରାର୍ଥୀଙ୍କୁ ହରାଇବା ପାଇଁ ମାଙ୍ଗାଲୋର ରାସ୍ତାରେ ବେଲଗାବି ପାଇଁ ପୋଟିୟା(ଟଙ୍କା) ପଠାଇଥିଲେ। ଏହା ମହାରାଷ୍ଟ୍ର ସହ ବିଶ୍ୱାସଘାତକତା। ମରାଠି ଲୋକେ ଏହାକୁ ଟାର୍ଗେଟ କରିବେ।