ମୁମ୍ବାଇ,୧୩।୮: ନାଶନାଲିଷ୍ଟ କଂଗ୍ରେସ ପାର୍ଟିର ଶରଦ ପାଓ୍ବାର ଓ ଅଜିତ ପାଓ୍ବାରଙ୍କ ସାକ୍ଷାତକାରକୁ ନେଇ ଶିବସେନା(ଉଦ୍ଧବ ଠାକରେ)ଗ୍ରୁପର ରାଜ୍ୟ ସଭା ଏମପି ସଞ୍ଜୟ ରାଉତ ବଡ ବୟାନ ଦେଇଛନ୍ତି। ରବିବାର ରାଉତ କହିଛନ୍ତି ଯେ ଯଦି ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ନୱାଜ ସରିଫ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାକ୍ଷାତ କରିପାରିବେ ତେବେ ସେମାନେ କାହିଁକି ସାକ୍ଷାତ କରିପାରିବେ ନାହିଁ। ସେ ଏହା ମଧ୍ୟ କହିଛନ୍ତି ଯେ ଶରଦ ପାୱାର ଅଜିତ ପାୱାରଙ୍କୁ ବିରୋଧୀ ମେଣ୍ଟ ‘ଇଣ୍ଡିଆ’ରେ ଯୋଗଦେବାକୁ ନିମନ୍ତ୍ରଣ କରିଥାଇ ପାରନ୍ତି।
ସଞ୍ଜୟ ରାଉତଙ୍କୁ ପଚରାଯାଇଥିଲା ଯେ ଶରଦ ପାୱାର ଏବଂ ଅଜିତ ପାୱାରଙ୍କ ମଧ୍ୟରେ ଏକ ବୈଠକର ଖବର ରହିଛି। ତେବେ ଉଭୟ ନେତା ସେମାନଙ୍କ କଥା ପାଳନ କରି ନାହାଁନ୍ତି। ଏହାର ଜବାବରେ ସଞ୍ଜୟ ରାଉତ ଥଟ୍ଟା କରି କହିଛନ୍ତି, ‘ଯେଉଁଠି ନୱାଜ ସରିଫ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାକ୍ଷାତ କରିପାରିବେ, ସେଠି ଶରଦ ପାୱାର, ଅଜିତ ପାୱାରଙ୍କୁ ଭେଟି ପାରିବେ ନାହିଁ କାହିଁକି। ବୋଧହୁଏ ଶରଦ ପାୱାର ଅଜିତ ପାୱାରଙ୍କୁ ନିମନ୍ତ୍ରଣ କରିଥାନ୍ତେ ଯେ ଆପଣ କାହିଁକି ଇଣ୍ଡିଆରେ ଯୋଗ ଦେଉନାହାଁନ୍ତି। ବୋଧହୁଏ ଦିନେ କିମ୍ବା ଦୁଇ ଦିନ ପାୱାର ସାହେବ ସଭାରେ ନିଜର ମତ ରଖିବେ।
