ନୂଆଦିଲ୍ଲୀ,୨୫।୯: ଆସନ୍ତା ଲୋକ ସଭା ନିର୍ବାଚନରେ ହାଇଦ୍ରାବାଦରୁ ପ୍ରତିଦ୍ୱନ୍ଦ୍ୱିତା କରିବାକୁ ଅଲ ଇଣ୍ଡିଆ ମଜଲିସ-ଇ-ଇଥାହାଦୁଲ ମୁସଲିମ (ଏଆଇଏମଆଇଏମ) ମୁଖ୍ୟ ଅସଦୁଦ୍ଦିନ ଓୱାଇସି କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଚ୍ୟାଲେଞ୍ଜ କରିଥିଲେ। ସେ ରାହୁଲଙ୍କୁ ଆଗାମୀ ଲୋକ ସଭା ନିର୍ବାଚନରେ ୱାୟାନାଡରୁ ନୁହେଁ ବରଂ ହାଇଦ୍ରାବାଦରୁ ପ୍ରତିଦ୍ୱନ୍ଦ୍ୱିତା କରିବାକୁ ଚ୍ୟାଲେଞ୍ଜ ଦେଇଥିଲେ। ଏନେଇ ଶିବସେନା (ୟୁବିଟି) ଏମ୍ପି ସଞ୍ଜୟ ରାଉତ ଓଓ୍ବାଇସିଙ୍କୁ ଉପଦେଶ ଦେଇ କହିଛନ୍ତି, ରାହୁଲ ନୁହେଁ ମୋଦିଙ୍କୁ ଚ୍ୟାଲେଞ୍ଜ୍ ଦିଅ।
ସେ କହିଛନ୍ତି, ଓୱାଇସି ସାହେବ ହାଇଦ୍ରାବାଦରେ ନିର୍ବାଚନ ଲଢିବା ମୋଦି ଜୀଙ୍କୁ ଚ୍ୟାଲେଞ୍ଜ କରିବା ଉଚିତ। ବର୍ତ୍ତମାନ ରାହୁଲ ଗାନ୍ଧୀଙ୍କ ସ୍ଥିତି ଏତେ ବୃଦ୍ଧି ପାଇଛି ଯେ ଯଦି ସେ ଦେଶର ଯେକୌଣସି ସ୍ଥାନରେ ନିର୍ବାଚନ ପ୍ରତିଦ୍ୱନ୍ଦ୍ୱିତା କରନ୍ତି ତେବେ ସେ ଜିତିବେ। ଦେଶରେ କଣ ଚାଲିଛି ଦେଖିବା ପାଇଁ ରାହୁଲ ନୁହେଁ, ମୋଦି ଜିଙ୍କୁ ଚ୍ୟାଲେଞ୍ଜ କରିବା ଉଚିତ। ନିର୍ବାଚନରେ ଜିତିବା ପାଇଁ ଭାଜପାର ମନୋଭାବ ଠିକ ନୁହେଁ। ସେମାନେ ସମ୍ବିଧାନ, ଆଇନ ଏବଂ ନିୟମକୁ ଖଣ୍ଡନ କରି ସଂସଦ ଚଳାନ୍ତି ବୋଲି ସଞ୍ଜୟ କହିଛନ୍ତି।
ସୂଚନାଯୋଗ୍ୟ, ଏଆଇଏମଆଇଏମ ମୁଖ୍ୟ ତାଙ୍କ ସଂସଦୀୟ ନିର୍ବାଚନମଣ୍ଡଳୀ ହାଇଦ୍ରାବାଦରେ ଏକ ସାଧାରଣ ସଭାରେ ସମ୍ବୋଧିତ କରିଥିଲେ। ଏହି ଅବସରରେ ଓୱାଇସି କହିଥିଲେ ଯେ, ଉତ୍ତରପ୍ରଦେଶର ଅଯୋଧ୍ୟାରେ କଂଗ୍ରେସ ଶାସନ ସମୟରେ ବାବ୍ରି ମସଜିଦ ଭାଙ୍ଗି ଦିଆଯାଇଥିଲା। ମୁଁ ତୁମର ନେତା (ରାହୁଲ ଗାନ୍ଧୀ)କୁ ୱାୟାନାଡରୁ ନୁହେଁ ବରଂ ହାଇଦ୍ରାବାଦରୁ ନିର୍ବାଚନ ଲଢିବାକୁ ଚ୍ୟାଲେଞ୍ଜ କରୁଛି। ଏଠାକୁ ଆସ ଏବଂ ମୋ ବିପକ୍ଷରେ ଲଢ। କଂଗ୍ରେସ ଲୋକମାନେ ବହୁତ କିଛି କହିବେ, କିନ୍ତୁ ମୁଁ ପ୍ରସ୍ତୁତ ଅଛି।
