ମୁମ୍ବାଇ,୨୦।୧୨: ଛୋଟପରଦାର ବୋଲ୍ଡ ଅଭିନେତ୍ରୀ ସୁନ୍ଦରୀ ସଞ୍ଜିଦା ଶେଖ୍ ରବିବାର ୩୬ ବର୍ଷରେ ପଦାର୍ପଣ କରିଛନ୍ତି। ୧୯୮୪ ଡିସେମ୍ବର ୨୦ରେ ସେ କୁଏତ୍ରେ ଜନ୍ମଗ୍ରହଣ କରିଥିଲେ। ୨୦୦୫ରେ କ୍ୟା ହୋଗା ନିମ୍ମୋ କା ଟିଭି ଶୋ’ରୁ ଆରମ୍ଭ କରିଥିଲେ ନିଜ କ୍ୟାରିୟର। ନଚ୍ ବଲିଏ-୩ରେ ସଞ୍ଜିଦା ସ୍ବାମୀ ଆମିର ଅଲ୍ଲୀଙ୍କ ସହିତ ଅଂଶଗ୍ରହଣ କରିଥିଲେ। ସଞ୍ଜିଦା ଏକ ହସିନା ଥୀ ଟିଭି ଶୋ’ ଏବଂ ଓ୍ବେବ୍ ସିରିଜ୍ ଗେହରିଆଁରେ ବତ୍ସଳ ସେଠ୍ଙ୍କ ସହିତ ଇଣ୍ଟିମେଟ୍ ସିନ୍ କରି ରାତା ରାତି ଷ୍ଟାର ପାଲଟି ଯାଇଥିଲେ। ତାଙ୍କର ଏହି ସିନ୍ ନେଇ ବେଶ୍ ଚର୍ଚ୍ଚା ହୋଇଥିଲା। ଏହି ଓ୍ବେବ ସିରିଜ୍ ବିକ୍ରମ ଭଟ୍ଟ କରିଥିବାବେଳେ ଏହାର ନିର୍ଦ୍ଦେଶନା ଦେଇଥିଲେ ସିଦ୍ଧାନ୍ତ ସଚ୍ଚଦେବା।