ନୂଆଦିଲ୍ଲୀ,୮।୧୧: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଚାରି ମ୍ୟାଚ୍ ବିଶିଷ୍ଟ ଟି-୨୦ ସିରିଜର ପ୍ରଥମ ମୁକାବିଲା ଶୁକ୍ରବାର ଡର୍ବାନରେ ଖେଳାଯାଇଛି। ଏହି ମ୍ୟାଚରେ ଟସ୍ ହାରି ଭାରତ ପ୍ରଥମେ ବ୍ୟାଟିଂ କରିବାକୁ ଓହ୍ଲାଇଥିବା ବେଳେ ଆରମ୍ଭରୁ ବ୍ୟାଟିଂ ଓପନର ଅଭିଷେକ ଶର୍ମା ୭ ରନ୍ କରି ଆଉଟ ହୋଇଥିଲେ। ତେବେ ଅନ୍ୟପଟେ ଥିବା ସଞ୍ଜୁ ସାମସନ୍ ଦୁର୍ଦଶ ବ୍ୟାଟିଂ କରି ୪୭ ବଲରେ ଶତକ ହାସଲ କରିଥିଲେ। ଏହି ଶତକ ସହିତ ସେ ଲଗାତାର ଦୁଇଟି ମ୍ୟାଚରେ ଦୁଇଟି ଶତକ ହାସଲ କରିଛନ୍ତି। ଏହି ଦୁଇ ଶତକ ସହିତ ସଞ୍ଜୁ ଟିମରେ ନିଜର ସ୍ଥାନ ପକ୍କା କରିଛନ୍ତି।
ସଞ୍ଜୁ ମାତ୍ର ୪୭ ବାଳରେ ତାଙ୍କର ଶତକ ପୁରଣ କରିଥିଲେ। ଏହି ଶତକରେ ୭ ଚୌକ ଏବଂ ୯ ଛକା ସାମିଲ ଥିଲା। ସଞ୍ଜୁଙ୍କ ଶତକ ବଳରେ ଭାରତ ୧୪.୧ ଓଭରରେ ମାତ୍ର ଦୁଇଟି ଉଇକେଟ ହରାଇ ୧୬୩ ରନ୍ ସ୍କୋର କରିଥିଲା।