କରାଚି,୨୦।୭: ସ୍ପିନରଙ୍କ ପାଇଁ ଉଦ୍ଦିଷ୍ଟ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ନିୟମରେ ପରିବର୍ତ୍ତନ ଚାହାନ୍ତି ପାକିସ୍ତାନର କିମ୍ବଦନ୍ତୀ ଖେଳାଳି ସାକଲିନ ମୁସ୍ତାକ। ଧାର୍ଯ୍ୟ ୧୫ ଡିଗ୍ରୀ ମଧ୍ୟରେ ହାତ ବୁଲାଇ ବୋଲିଂ କରିବା ନିୟମ ଉପରେ ଆଇସିସି ପୁନଃ ବିଚାର କରିବା ଦରକାର। ବର୍ତ୍ତମାନ ପ୍ରଚଳିତ ନିୟମ ଯୋଗୁ ଯୁବ ଖେଳାଳି ଅଫ୍ ସ୍ପିନ ବୋଲିଂ ଠାରୁ ଦୂରେଇ ରହୁଛନ୍ତି ବୋଲି ଅନ୍ତର୍ଜାତୀୟ କ୍ରିକେଟରେ ୪୯୬ ଉଇକେଟ ନେଇଥିବା ପୂର୍ବତନ ସ୍ପିନର କହିଛନ୍ତି।
ସ୍ପିନରଙ୍କୁ ୧୫ ଡିଗ୍ରୀ ବାହାରେ ହାତ ବୁଲାଇ ବୋଲିଂ କରିବାକୁ ଦିଆଯିବ ନାହିଁ। ଆଇସିସିର ବିଶେଷଜ୍ଞମାନେ କେଉଁ ଭଳି ଏହି ପରିଣାମରେ ପହଞ୍ଚିଲେ, ତାହା ମୋତେ ଜାଣିବାର ଅଛି। ସେମାନେ କେଉଁ ସ୍ପିନରଙ୍କ ଉପରେ ରିସର୍ଚ୍ଚ କରିଥିଲେ। କାରଣ ପ୍ରତ୍ୟେକଙ୍କ ଶରୀର ଓ ବୋଲିଂ ଷ୍ଟାଇଲ ଭିନ୍ନ। ଏସିଆର ଖେଳାଳିଙ୍କ ଶରୀରର ଅଧିକ ଫ୍ଲେକ୍ସିବଲ। କିଛି ଖେଳାଳିଙ୍କ କହୁଣୀ ଉପରକୁ ଉଠିଥାଏ। ଏମାନଙ୍କ ଠାରୁ ଇଂଲିଶ ଓ କାରିବିଆନ ଖେଳାଳିଙ୍କ ଶରୀର ଭିନ୍ନ। ଏଣୁ ମୋ ମତରେ ଆଇସିସି ୧୫ ଡିଗ୍ରୀ ନିୟମ ଉପରେ ପୁନଃ ବିଚାର କରୁ ବୋଲି କହିଛନ୍ତି ପାକିସ୍ତାନ କ୍ରିକେଟ ବୋର୍ଡର ହାଇ ପରଫମାନ୍ସ କେନ୍ଦ୍ରର ମୁଖ୍ୟ କୋଚ୍ ସାକଲିନ କହିଛନ୍ତି।
