ବଲିଉଡ ଅଭିନେତ୍ରୀ ସାରା ଅଲି ଖାନ ବୁଧବାର ୨୫ ତମ ଜନ୍ମଦିନ ପାଳନ କରୁଛନ୍ତି। ସୈଫ ଅଲି ଖାନ ଏବଂ ଅମୃତା ସିଂଙ୍କ ଝିଅ ସାରା ଅଲି ଖାନ ଭଲ ଛାତ୍ରୀ ଥିଲେ। ଛାତ୍ରାବସ୍ଥାରେ ବହୁତ ମୋଟା ଥିଲେ। ତେବେ ବଲିଉଡରେ ପ୍ରବେଶ କରିବା ପୂର୍ବରୁ ସେ କଠିନ ପରିଶ୍ରମ କରି ନିଜ ଓଜନ କମାଇଥିଲେ। ସାରା ନ୍ୟୁୟର୍କର କଲମ୍ବିଆ ବିଶ୍ୱବିଦ୍ୟାଳୟରୁ ଇତିହାସ ଏବଂ ରାଜନୈତିକ ବିଜ୍ଞାନ ଅଧ୍ୟୟନ କରିଛନ୍ତି। ଅଧ୍ୟୟନ ସମାପ୍ତ କରିବା ପରେ ସାରା ଦେଢବର୍ଷ ଓଜନ କମାଇବା ପାଇଁ ଚେଷ୍ଟା କରିଥିଲେ। ପ୍ରଶିକ୍ଷଣ ନେଇଥିଲେ ଏବଂ ନିଜକୁ ସମ୍ପୂର୍ଣ୍ଣ ରୂପେ ବଦଳାଇ ଦେଇଥିଲେ। ସାରା ସୁଶାନ୍ତ ସିଂଙ୍କ ଅଭିନୀତ ଚଳଚ୍ଚିତ୍ର କେଦାରନାଥରେ ବଲିଉଡରେ ପ୍ରବେଶ କରିଥିଲେ। ଅଭିଷେକ କପୁରଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରରେ ସାରା ଅଲି ଖାନ ମହିଳା ମୁଖ୍ୟ ଭୂମିକାରେ ଅଭିନୟ କରିଥିଲେ।
ପ୍ରଥମ ଚଳଚ୍ଚିତ୍ରରେ ଅଭିଷେକ ସାରଙ୍କ କାର୍ଯ୍ୟକୁ ଏତେ ପସନ୍ଦ କରିଥିଲେ ଯେ ସେ ସିମ୍ବା ଚଳଚ୍ଚିତ୍ର ପାଇଁ ରୋହିତ ଶେଟ୍ଟୀଙ୍କୁ ସାରାଙ୍କ ନାଁ ସୁପାରିଶ କରିଥିଲେ। ରୋହିତ ସାରାଙ୍କୁ ଅଫର ଦେଇଥିଲେ। ରଣବୀର ସିଂ ଷ୍ଟାରର ଫିଲ୍ମ ସିମ୍ବା ସାରାଙ୍କର ଦ୍ୱିତୀୟ ଚଳଚ୍ଚିତ୍ର ହୋଇଥିଲା। ସାରାଙ୍କ ତୃତୀୟ ଚଳଚ୍ଚିତ୍ର ଥିଲା ଲଭ ଆଜ କାଲ ଯେଉଁଥିରେ ସେ କାର୍ତ୍ତିକ ଆର୍ଯ୍ୟାନଙ୍କ ସହ ମୁଖ୍ୟ ଭୂମିକାରେ ଅଭିନୟ କରିଥିଲେ। ଯଦିଓ ଚଳଚ୍ଚିତ୍ରଟି ଏତେ ହିଟ ନ ଥିଲା, କିନ୍ତୁ ଏହି ଯୋଡିଙ୍କୁ ଦର୍ଶକ ପସନ୍ଦ କରିଥିଲେ। ଏବେ ସାରା ବଲିଉଡ୍ର ଆଗଧାଡିର ନାୟିକା ଭାବେ ଗଣା ହେଉଛନ୍ତି।