ବମ୍ବେ: ସୈଫ ଲଳନା ସାରା ଯେଉଁଆଡେ ବିବାଦ ସେହିଆଡେ। ଏପରି କହିବା ପଛରେ କାରଣ ମଧ୍ୟ ରହିଛି। ଖୁବ୍ କମ୍ ଦିନ ହେଲା ବଲିଉଡ୍ରେ ପାଦ ଦେଇଥିବା ଏହି ନବାଗତା ଏକାଧିକ ବିବାଦକୁ ନେଇ ଚର୍ଚ୍ଚାରେ ରହିଆସିଛନ୍ତି। କେବେ ଭାଇଙ୍କ ସହ ବିକିନିକୁ ନେଇ ତ କେବେ ସୁଶାନ୍ତ ସିଂହ ରାଜପୁତଙ୍କ ସହ ଡ୍ରଗ୍ସ ନେଉଥିବା କାରଣରୁ ତାଙ୍କୁ ସମାଲୋଚନା କରାଯାଇଛି। ଆଜି ସାରାଙ୍କ ୨୬ତମ ଜନ୍ମଦିନରେ ଆସନ୍ତୁ ଜାଣିବା ତାଙ୍କର ୫ଟି ସେଭଳି ଚର୍ଚ୍ଚିତ ବିବାଦ ବିଷୟରେ…
ଭାଇ ଇବ୍ରାହିମ ଅଲ୍ଲୀ ଖାନ୍ଙ୍କ ସହ ବିକିନି ପିନ୍ଧି ଇନ୍ଷ୍ଟାଗ୍ରାମରେ ଅନେକ ଫଟୋ ଶେୟାର କରିଛନ୍ତି। ବିଶେଷକରି ଭାଇଙ୍କ ଜନ୍ମଦିନରେ ସେ ଏଭଳି ଫଟୋ ପୋଷ୍ଟ କରିଥିଲେ। ସୋସିଆଲ ମିଡିଆରେ ତାଙ୍କ ପ୍ରଶଂସକଙ୍କୁ ଏଭଳି ସ୍ବଭାବ ପସନ୍ଦ ଆସି ନ ଥିଲା। ଲୋକମାନେ ତାଙ୍କୁ ଲଜ୍ଜାର ସବୁ ସୀମା ପାର କରିଥିବା କହିବାକୁ ପଛାଇ ନ ଥିଲେ।
ରିୟା ଚକ୍ରବର୍ତ୍ତୀ ଏନ୍ସିବିକୁ ସାରାଙ୍କ ବିଷୟରେ ବଡ଼ କଥା କହିଥିଲେ। ୨୦୧୮ରେ ଥାଇଲାଣ୍ଡ ଗସ୍ତ ବେଳେ ସାରା ସୁଶାନ୍ତଙ୍କ ସହ ମିଶି ଡ୍ରଗ୍ସ ନେଇଥିଲେ। ଏହାପରେ ଏନ୍ସିବି ସାରାଙ୍କୁ ସମନ କରି ପଚରାଉଚରା କରିଥିଲେ।
ସାରା କରନ୍ଙ୍କ ଲୋକପ୍ରିୟ ଶୋ’ କଫି ଉଇଥ୍ କରନ୍ରେ କାର୍ତ୍ତିକ ଆର୍ୟନଙ୍କୁ ନିଜର କ୍ରଶ୍ ବୋଲି କହିଥିଲେ। ସେତେବେଳେ ସେ ତାଙ୍କ ସହ ଡେଟ୍ରେ ଯିବାକୁ ଚାହୁଁଥିବା କହିଥିଲେ। ଏଭଳି ବୟାନ ବେଶ୍ ଚର୍ଚ୍ଚାରେ ରହିଥିଲା।
ଗତବର୍ଷ ମାର୍ଚ୍ଚରେ ମା’ ଅମୃତା ସିଂହଙ୍କ ସହ ସାରା କାଶି ବିଶ୍ୱନାଥ ମନ୍ଦିରକୁ ଯାଇ ପୂଜାର୍ଚ୍ଚନା କରିଥିଲେ। ହେଲେ ଅନେକଙ୍କୁ ତାହା ପସନ୍ଦ ଆସି ନ ଥିଲା। କେବଳ ମୋଟା ଅଙ୍କର ଦକ୍ଷିଣା ପାଇଁ ପୂଜକ ମାନେ ତାଙ୍କୁ ମନ୍ଦିର ଭିତରକୁ ଯିବାକୁ ଅନୁମତି ଦେଇଥିବା କୁହାଯାଇଥିଲା।
ସେହିଭଳି କିଛି ଦିନ ପୂର୍ବେ ସାରା ଆସାମର କାମାକ୍ଷାଦେବୀ ମନ୍ଦିରକୁ ଯାଇଥିଲେ। ସେଠାରେ ସେ ଉଠାଇଥିବା ଫଟୋ ବେଶ୍ ଭାଇରାଲ ହୋଇଥିଲା। ଲୋକେ ତାଙ୍କର ଧର୍ମକୁ ନେଇ ପ୍ରଶ୍ନ କରିଥିଲେ। ସେ ହିନ୍ଦୁ ନା ମୁସଲମାନ ବୋଲି କହିଥିଲେ। ଅନେକ ଦିନ ଧରି ଏହି ମାମଲା ଚର୍ଚ୍ଚାରେ ରହିଥିଲା।