ମୁମ୍ବାଇ: ବଲିଉଡ୍ ନବାଗତା ସାରା ଅଲୀ ଖାଁ ଓ ଅଭିନେତା କାର୍ତ୍ତିକ ଆର୍ୟନ ଗତ ବର୍ଷ ଫିଲ୍ମ ‘ଲଭ ଆଜ କଲ’ରେ ମୁଖ୍ୟ ଚରିତ୍ରରେ ନଜର ଆସିଥିଲେ। ସେହିଦିନଠାରୁ ଦୁହେଁ ଦୁହିଁଙ୍କୁ ଡେଟ୍ କରୁଛନ୍ତି ବୋଲି ଚର୍ଚ୍ଚା ହେଉଥିଲା। ହେଲେ ଏହାକୁ ଦୁଇଜଣ କେବେ ସ୍ବୀକାର କରି ନ ଥିବା ବେଳେ ପ୍ରାୟ ସମୟରେ ସେମାନଙ୍କୁ ଏକାଠି ସ୍ପଟ କରାଯାଇଛି। କିନ୍ତୁ ଏବେ ବି-ଟାଉନରେ ଏହି ଚର୍ଚ୍ଚିତ ଲଭ୍ବାର୍ଡଙ୍କ ମଧ୍ୟରେ ଦୂରତା ଆସିଯାଛି ବୋଲି ଚର୍ଚ୍ଚା ହେଉଛି। କାରଣ ସାରା ଓ କାର୍ତ୍ତିକ ଦୁହେଁ ଦୁହିଁଙ୍କୁ ଇନ୍ଷ୍ଟାଗ୍ରାମ୍ରେ ଅନ୍ଫଲୋ କରିଥିବା ଜଣାପଡ଼ିଛି। ତେବେ ସେମାନେ କାହିଁକି ପରସ୍ପରକୁ ଅନ୍ଫଲୋ କରିଛନ୍ତି ତାହା ଏବେ ଜଣାପଡ଼ିନାହିଁ। କିନ୍ତୁ ଦୁହିଁଙ୍କ ସମ୍ପର୍କରେ ଏବେ ଫାଟ ସୃଷ୍ଟି ହୋଇଛି ବୋଲି ଆକଳନ କରାଯାଉଛି। କେବେ ଦୁହେଁ ଦୁହିଁଙ୍କୁ ଡେଟ କରୁଥିବା ନେଇ ବି-ଟାଉନରେ ଚର୍ଚ୍ଚା ଜୋର ଧରିଥିବା ବେଳେ ଏବେ ସାରା ଓ କାର୍ତ୍ତିକଙ୍କ ଅନ୍ଫଲୋ ଖବର ସମସ୍ତଙ୍କୁ ଚକିତ କରିଦେଇଛି।