ମୁମ୍ବାଇ: ବଲିଉଡ୍ ନାୟିକା ସାରା ଅଲି ଖାଁ ନିଜର ଫିଲ୍ମ, ଫିଟନେସ୍ ଓ ସୋସିଆଲ ମିଡିଆ ପୋଷ୍ଟକୁ ନେଇ ବେଶ୍ ଚର୍ଚ୍ଚିତ । ନିକଟରେ ସେ ଡିସକଭରି ପ୍ଲସ ଶୋ’ ମିଶନ ଫ୍ରଣ୍ଟଲାଇନର ଏକ ଏପିସୋଡ ପାଇଁ ଶୁଟିଂ କରିଥିଲେ । ଯେଉଁଥିରେ ତାଙ୍କର ଅନ୍ଦାଜ ସମସ୍ତଙ୍କୁ ଚକିତ କରିଥିଲା । ଏହି ଏପିସୋଡ ପ୍ରତିରକ୍ଷା ଓ ଅର୍ଦ୍ଧସାମରିକ ବଳରେ କାମ କରୁଥିବା ଲୋକଙ୍କ ଜୀବନକୁ ପାଖରୁ ଦେଖାଇଥାଏ । ସାରା ଅଲି ଖାଁ ଏହି ଏପିସୋଡ ପାଇଁ ଆସାମରେ ଗୋଟିଏ ଦିନ ବିତାଇଛନ୍ତି । ସେଠାରେ ସେ ମହିଳା ସେନାଙ୍କ ସହ ପ୍ରଶିକ୍ଷଣ ନେଇଛନ୍ତି । ଯେଉଁମାନେ ଆସାମ ପୋଲିସରେ ଦେଶର ପ୍ରଥମ ମହିଳା କମାଣ୍ଡୋ ୟୁନିଟ ବୋଲି କୁହାଯାଉଛି । ଏହି ଶୋ’ର ଏକ ଭିଡିଓ ସାରା ଶେୟାର କରିଛନ୍ତି । ଯେଉଁଥିରେ ସେ ମହିଳା ସୁରକ୍ଷାକର୍ମୀଙ୍କ ସହ ଟ୍ରେନିଂ ନେଉଥିବା ଦେଖାଯାଇଛି । ଉକ୍ତ ଭିଡିଓରେ କେତେବେଳେ ସାରା ଏକେ ୪୭ ଚଳାଉଛନ୍ତି ତ ପୁଣି ତେବେଳେ ରକ୍ କ୍ଲାଇମ୍ବିଂ କରୁଥିବା ଦେଖାଯାଇଛି । ଭିଡିଓ ଶେୟାର କରି ସାରା କ୍ୟାପଶନରେ ଲେଖିଛନ୍ତି ମୁଁ ବୀରଙ୍ଗନା ଯୋଦ୍ଧାଙ୍କ ଇଚ୍ଛାଶକ୍ତି ଓ ଶକ୍ତିକୁ ସଲାମ କରୁଛି । ସେମାନେ ଯେଉଁ ମାନସିକ ଦୃଢତା ଓ ଶାରୀରିକ ଦକ୍ଷତା ବିକାଶ କରିବା କଥା ତାହା ପ୍ରଶଂସନୀୟ ଓ ଅତ୍ୟନ୍ତ ପ୍ରେରଣାଦାୟୀ । ସେହି ମହିଳାଙ୍କ ସହ ପ୍ରଶିକ୍ଷଣ ନେବା ଓ ଏକ ମିଶନର ଅଶଂ ହେବା ମୋ ପାଇଁ ଭାଗ୍ୟର କଥା ବୋଲି ସାରା କହିଛନ୍ତି ।