ଆଜିକାଲି ବଲିଉଡ୍ରେ ଷ୍ଟାର୍ କିଡ୍ସଙ୍କ ଦବ୍ଦବା ଚାଲିଛି। ଅଭିନେତା ସୈଫ ଅଲ୍ଲୀ ଖାନ୍ଙ୍କ ଝିଅ ସାରା ଅଲ୍ଲୀ ଖାନଙ୍କଠାରୁ ଆରମ୍ଭ କରି ଶ୍ରୀଦେବୀ ତନୟା ଜାହ୍ନବୀ କପୁର ବଲିଉଡ୍ରେ ନିଜର ପରିଚୟ ସୃଷ୍ଟି କରି ଚାଲିଛନ୍ତି। କିନ୍ତୁ ଜାଣନ୍ତି କି ପରଦାରେ ଦର୍ଶକଙ୍କ ମନୋରଞ୍ଜନ କରୁଥିବା ଏହିି ଷ୍ଟାର କିଡ୍ସମାନେ କେତେ ପାଠ ପଢିଛନ୍ତି।
ସାରା ଅଲ୍ଲୀ ଖାନ କଲମ୍ବିଆ ୟୁନିଭରସିଟିରେ ଗ୍ରାଜୁଏସନ କରିଛନ୍ତି। ସେ ପାଠ ପଢାରେ ଉତ୍ତମ ଥିଲେ।
ବୋନି କପୁର ଏବଂ ଶ୍ରୀଦେବୀଙ୍କ ଝିଅ ଜାହ୍ନବୀ କପୁର ଫିଲ୍ମ ଜଗତକୁ ଆସିବା ପୂର୍ବରୁ କାଲଫର୍ନିଆର ଲି ଷ୍ଟାସବର୍ଗ ଥିଏଟର ଆଣ୍ଡ ଫିଲ୍ମ ଇନଷ୍ଟିଚ୍ୟୁଟ୍ରେ ଆକ୍ଟିଂ କୋର୍ସ କରିଥିଲେ।
ସେହିପରି ଅଭିନେତା ଚଙ୍କି ପାଣ୍ଡେଙ୍କ ଝିଅ ଅନନ୍ୟା ପାଣ୍ଡେ ଧୀରୁଭାଇ ଅମ୍ବାନୀ ସ୍କୁଲରୁ ଗ୍ରାଜୁଏଶନ ଶେଷ କରିଛନ୍ତି।
ଶାହରୁଖ ଖାନଙ୍କ ଝିଅ ସୁହାନା ଖାନ୍ ନ୍ୟୁୟର୍କରେ ଫିଲ୍ମ ମେକିଂ କୋର୍ସ କରିଛନ୍ତି। ସେ ଖୁବ୍ଶୀଘ୍ର ବଲିଉଡ୍ରେ ପାଦ ଥାପିବେ ବୋଲି ଚର୍ଚ୍ଚା ହେଉଛି।
