ମୁମ୍ବାଇ: ସାରା ଅଲ୍ଲି ଖାନ୍ ହେଉଛନ୍ତି ବଲିଉଡ୍ର ଜଣେ ଫିଟ୍ ଏବଂ ଗ୍ଲାମରସ୍ ଅଭିନେତ୍ରୀ। ସେ ନିଜକୁ ଫିଟ୍ ରଖିବାକୁ ବହୁ ପରିଶ୍ରମ କରିଥାନ୍ତି। ତେବେ ସେ ନିକଟରେ କହିଛନ୍ତି, ମଝିରେ ଥରେ ସେ ଛୁଟିରେ ଯିବା କାରଣକୁ ତାଙ୍କ ପେଟରେ ବହୁ ଚର୍ବି ହୋଇଯାଇଥିଲା। ହେଲେ ସେ ସେହି ଚର୍ବିକୁ ମାତ୍ର ୨ ସପ୍ତାହ ମଧ୍ୟରେ ହ୍ରାସ କରିବାରେ ସଫଳ ହୋଇଥିଲେ। ଏନେଇ ସାରା ଇନ୍ଷ୍ଟାଗ୍ରାମ୍ରେ ଏକ ଷ୍ଟୋରି ଶେୟାର କରିଛନ୍ତି। ସେଥିରେ ସେ ତାଙ୍କର ୩ଟି ଭିନ୍ନ ଫଟୋ ଶେୟାର କରିଛନ୍ତି। ଗୋଟିଏରେ ତାଙ୍କ ଚର୍ବି ଥିବା ପେଟ ଦେଖିବାକୁ ମିଳୁଥିବାବେଳେ ଅନ୍ୟ ୨ଟିରେ ସେ ଲେହେଙ୍ଗାରେ ନଜରକୁ ଆସିଛନ୍ତି। ଯେଉଁଥିରେ ତାଙ୍କ ପେଟରେ ଚର୍ବି ନ ଥିବା ଦେଖିବାକୁ ମିଳିଥିଲା। ତାଙ୍କ ପେଟର ଚର୍ବି କମ୍ କରିବାକୁ ସାରା ଦୁଇ ଜଣଙ୍କୁ ଧନ୍ୟବାଦ ଦେଇଛନ୍ତି। ଗୋଟାଏ ସମୟରେ ସାରାଙ୍କ ଓଜନ ୯୬ କିଲୋ ଥିଲା। ସେ ନିଜର ଓଜନ ହ୍ରାସ କରିବା ପରେ ବଲିଉଡ୍ରେ ପ୍ରବେଶ କରିଥିଲେ। ସେ ୨୦୧୮ରେ ତାଙ୍କ ବଲିଉଡ୍ କ୍ୟାରିୟର ଆରମ୍ଭ କରିଥିଲେ। ପରେ ସେ ଅନେକ ଫିଲ୍ମ କରିଛନ୍ତି। ଶେଷ ଥର ପାଇଁ ଫିଲ୍ମ ‘ରକି ଅର ରାନୀ କି ପ୍ରେମ୍ କାହାନୀ’ରେ ଦେଖିବାକୁ ମିଳିଥିଲା। ଏବେ ତାଙ୍କ ହାତରେ ୩/୪ଟି ସିନେମା ରହିଛି, ଯେଉଁଥିରେ ସେ ବ୍ୟସ୍ତ ଅଛନ୍ତି।