ଭୁବନେଶ୍ୱର,୧୦ା୬(ବ୍ୟୁରୋ): ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ଶରତ ପଟ୍ଟନାୟକ ଶୁକ୍ରବାର କଂଗ୍ରେସ ଭବନଠାରେ ପହଞ୍ଚି ତାଙ୍କ ଦାୟିତ୍ୱ ଗ୍ରହଣ କରିବେ। ଏନେଇ ଦଳ ତରଫରୁ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରାଯାଇଛି। କଂଗ୍ରେସ ଭବନକୁ ମଧ୍ୟ ନୂଆ କରି ରଙ୍ଗ କରାଯାଇଛି। ଏହି ଅବସରରେ କଂଗ୍ରେସ ଭବନରେ ଯୋଗଦେବା ଲାଗି ମଧ୍ୟ ବହୁ ନେତାଙ୍କୁ ଆମନ୍ତ୍ରଣ କରାଯାଇଛି। ତେବେ ଶରତ ଗତ ୩ ଦିନ ହେଲା ଦିଲ୍ଲୀ ଗସ୍ତରେ ଅଛନ୍ତି। ସେ ଦାୟିତ୍ୱ ନେବାପରେ ଏହା ତାଙ୍କର ପ୍ରଥମ ଦିଲ୍ଲୀ ଗସ୍ତ। ସେ ତାଙ୍କ ଗସ୍ତ କାଳରେ ରାହୁଲ ଗାନ୍ଧୀଙ୍କ ସହ ସୌଜନ୍ୟମୂଳକ ସାକ୍ଷାତ କରିଥିବା ବେଳେ ଅନ୍ୟ କେତେଜମ ବରିଷ୍ଠ ନେତାଙ୍କୁ ମଧ୍ୟ ଭେଟିଥିବା ଜଣାପଡିଛି। ତେବେ ଶରତ ଶୁକ୍ରବାର ସକାଳେ ଦିଲ୍ଲୀରୁ ଫେରି ସିଧାସଳଖ କଂଗ୍ରେସ ଭବନଠାରେ ପହଞ୍ଚି ଦାୟିତ୍ୱ ନେବେ ବୋଲି ଜଣାପଡିଛି।