ବଲିଉଡ ଅଭିନେତା ରଞ୍ଜନ ସେହଗଲଙ୍କ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ମାତ୍ର ୩୬ ବର୍ଷ ହୋଇଥିଲା। ରଞ୍ଜନ ଦୀର୍ଘଦିନ ଦିନ ହେବ ଅସୁସ୍ଥ ଥିଲେ। ତାଙ୍କର ବହୁ ଅଙ୍ଗ କାମ ବନ୍ଦ କରିଦେଇଥିଲା। ଟିଭି ଦୁନିଆରେ ବେଶ୍ ଲୋକପ୍ରିୟ ଥିଲେ ରଞ୍ଜନ। କ୍ରାଇମ ପାଟ୍ରୋଲ, ସାବଧାନ ଇଣ୍ଡିଆ, ତୁମ ଦେନା ସାଥ ମେରା, କୁଲଦୀପକ ଭଳି ସିରିଏଲରେ କାମ କରିଥିଲେ। ଫିଲ୍ମ ସରବଜିତ୍, ଫୋର୍ସରେ ମଧ୍ୟ କାମ କରିଥିଲେ ସେ। ଏହାଛଡା ପଞ୍ଜାବ ଫିଲ୍ମ ଜଗତରେ ମଧ୍ୟ ସେ ସକ୍ରିୟ ଥିଲେ। ରଞ୍ଜନଙ୍କ ମୃତ୍ୟୁରେ ଟିଭି ଦୁନିଆରେ ଶୋକର ଛାୟ ଖେଳିଯାଇଛି। ୨୦୨୦ ବର୍ଷ ଚଳଚ୍ଚିତ୍ର ଇଣ୍ଡଷ୍ଟ୍ରୀ ପାଇଁ ଅଶୁଭ ରହିଛି। ଚଳିତବର୍ଷ ରୁଷି କପୁର, ଇରଫାନ ଖାନ୍ ଏବଂ ସୁଶାନ୍ତ ସିଂ ରାଜପୁତଙ୍କ ଭଳି କଳାକାରଙ୍କୁ ହରାଇଛି ବଲିଉଡ୍।
