ନୂଆଦିଲ୍ଲୀ,୭।୩: ବିସିସିଆଇର ବାର୍ଷିକ ଖେଳାଳି କଣ୍ଟ୍ରାକ୍ଟ ତାଲିକା ଅପଡେଟ ହେବାକୁ ଯାଉଛି । ଏହି ତାଲିକାରେ ଦୁଇଜଣ ନୂତନ କ୍ରିକେଟର ସ୍ଥାନ ପାଇବେ। ଏହି ଦୁଇ କ୍ରିକେଟର ଇଂଲଣ୍ଡ ବିପକ୍ଷରେ ଟେଷ୍ଟ ମ୍ୟାଚ ଖେଳୁଥିବା ସରଫରାଜ ଖାନ ଏବଂ ଧ୍ରୁଭ ଜୁରେଲଙ୍କ ବ୍ୟତୀତ ଆଉ କେହି ନୁହଁନ୍ତି। ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟ ମ୍ୟାଚରେ ସରଫରାଜ ଖାନ ଏବଂ ଧ୍ରୁଭ ଜୁରେଲ ଡେବ୍ୟୁ କରିଥିଲେ। ଏହା ହେଉଛି ତାଙ୍କର ତୃତୀୟ ଟେଷ୍ଟ ମ୍ୟାଚ।
ବିସିସିଆଇ ଗତ ମାସରେ ଖେଳାଳି କଣ୍ଟ୍ରାକ୍ଟ ତାଲିକା ପ୍ରକାଶ କରିଥିଲା, ଯାହାକି ଆସନ୍ତା ବର୍ଷ ସେପ୍ଟେମ୍ବର ୩୦ପର୍ଯ୍ୟନ୍ତ । ବିସିସିଆଇର ଏହି ତାଲିକାରେ ୩୦ଖେଳାଳି ଅନ୍ତର୍ଭୁକ୍ତ ହୋଇଥିଲେ। କିନ୍ତୁ ବର୍ତ୍ତମାନ ସରଫରାଜ ଖାନ ଏବଂ ଉଇକେଟ୍ କିପର ବ୍ୟାଟର୍ ଧ୍ରୁଭ ଜୁରେଲଙ୍କ ନାମ ମଧ୍ୟ ଏହି ତାଲିକାରେ ସ୍ଥାନ ପାଇବ। ଦୁହେଁ ସି ଗ୍ରେ ରେ ସ୍ଥାନ ପାଇବେ। ଏହି ଗ୍ରେଡରେ ଅନ୍ତର୍ଭୁକ୍ତ ପ୍ରତ୍ୟେକ ଖେଳାଳିଙ୍କୁ ବିସିସିଆଇ ବାର୍ଷିକ ଏକ କୋଟି ଟଙ୍କା ଦେଇଥାଏ ।