ନୂଆଦିଲ୍ଲୀ,୧୪।୧: ଭାରତରେ ଜନ୍ମିତ ନୁହନ୍ତି, ହେଲେ ଆଜି ସେ ଭାରତର ପରିଚୟ ପାଲଟିଛନ୍ତି। ଘରୋଇ କ୍ରିକେଟର ସବୁଠାରୁ ବଡ଼ ଟୁର୍ନାମେଣ୍ଟ ରଣଜୀ ଟ୍ରଫିରେ ଗତ ୩ ବର୍ଷ ଧରି ତାଙ୍କ ବ୍ୟାଟ୍ ଗର୍ଜୁଛି। କେବଳ ତାଙ୍କର ଗୋଟିଏ ସ୍ବପ୍ନ ରହିଛି, ସେଇଟି ହେଲା ଜାତୀୟ ଟିମ୍ରେ ସ୍ଥାନ ପାଇବା। ହେଲେ ତାହା ହୋଇପାରୁନାହିଁ। ପ୍ରଦର୍ଶନ ସତ୍ତ୍ୱେ ୨୫ ବର୍ଷୀୟ ଏହି ଖେଳାଳିଙ୍କୁ କାହିଁକି ସୁଯୋଗ ମିଳୁନାହିଁ ତାହାକୁ ନେଇ ଏବେ ତର୍କ ବଢ଼ୁଛି। ଖେଳାଳିଜଣଙ୍କ ହେଲେ ମୁମ୍ବାଇର ରନ୍ ମେଶିନ କୁହାଯାଉଥିବା ସରଫରାଜ ଖାଁ।
ଘରୋଇ କ୍ରିକେଟରେ ପ୍ରଦର୍ଶନ ଅନୁଯାୟୀ ଖେଳାଳିଙ୍କୁ ଜାତୀୟ ଦଳରେ ସୁଯୋଗ ମିଳିଥାଏ। ହେଲେ ସରଫରାଜଙ୍କ କ୍ଷେତ୍ରରେ ତାହା ଘଟୁନାହିଁ। ଏଯାବତ ସେ ୩୬ ଫାଷ୍ଟ କ୍ଲାସ ମ୍ୟାଚ୍ ଖେଳିଛନ୍ତି। ମ୍ୟାଚ୍ର ୫୨ ଇନିଂସରେ ସେ ୩୩୮୦ ରନ୍ କରିଛନ୍ତି। ଏଥିରେ ୧୨ ଶତକ ଏବଂ ୯ ଅର୍ଦ୍ଧଶତକ ରହିଛି। ତାଙ୍କର ସର୍ବାଧିକ ରନ୍ ୩୦୧ ଥିଲା। ଅର୍ଥାତ ଟେଷ୍ଟ ମ୍ୟାଚ୍ ପାଇଁ ଯେଉଁ ବଡ଼ ଇନିଂସ, ଛୋଟ ସ୍କୋରକୁ ବଡ଼ ଟାର୍ଗେଟରେ ପରିଣତ କରିବାର ଶକ୍ତି ରହିବା ଆବଶ୍ୟକ, ତାହା ସରଫରାଜଙ୍କ ପାଖରେ ରହିଛି।
୨୦୦୯ରେ ୧୨ ବର୍ଷୀୟ ସରଫରାଜ ହ୍ୟାରିସ ଶିଲ୍ଡ ଟ୍ରଫିରେ ୪୩୯ ରନ୍ର ଇନିଂସ ଖେଳିଥିଲେ। ଏହା ତାଙ୍କୁ ରାତାରାତି ଷ୍ଟାର କରିଦେଇଥିଲା। ସେବେଠାରୁ ଆଜିଯାଏ ମୁମ୍ବାଇର ଏହି ଯୁବ ବ୍ୟାଟ୍ସମ୍ୟାନଙ୍କ ଉପରେ ସମସ୍ତଙ୍କର ନଜର ରହିଛି।
If Surya Kumar Yadav can get picked to the Indian Test squad based on his recent T20I performances, then WHY not Sarfaraz Khan on his recent first-class performances in domestic games?
2019/20: 928 @ 154.66
2021/22: 982 @ 122.75
2022/23: 801* @ 89.00#INDvsAUS#INDvAUS— Mohandas Menon (@mohanstatsman) January 14, 2023
ଆଇପିଏଲ୍ରେ ମଧ୍ୟ ସରଫରାଜ ନିଜ ଦମ୍ ଦେଖାଇଛନ୍ତି। ପ୍ରଥମେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୁରୁ ପାଇଁ ସେ ଖେଳିଥିଲେ। ଏହାପରେ ସେ ପଞ୍ଜାବ କିଙ୍ଗ୍ସ ଏବଂ ଏବେ ସେ ଦିଲ୍ଲୀ କ୍ୟାପିଟାଲ୍ସର ଅଂଶ ଅଟନ୍ତି। ଏବେ ସେ ଆଇପିଏଲ୍ର ବଡ଼ ନାମ ପାଲଟିନାହାନ୍ତି। ହେଲେ ତାଙ୍କ ନଜର ଜାତୀୟ ଦଳ ଉପରେ ରହିଛି। ରଣଜୀ ଟ୍ରଫିରେ ଲଗାତାର ଭାବେ ରନ୍ କରୁଥିବାରୁ ସେ ଭାରତୀୟ ଟେଷ୍ଟ ଟିମ୍ରେ ସୁଯୋଗ ପାଇବାକୁ ଅପେକ୍ଷା କରିଛନ୍ତି। ହେଲେ ତାଙ୍କ ଅପେକ୍ଷାର ଅନ୍ତ ହେଉଥିବା ପରି ମନେ ହେଉନାହିଁ।
