ନୟାଗଡ଼ ଅଫିସ,୮।୭: ନୟାଗଡ଼ ଜିଲା ପରିଷଦ ସମ୍ମିଳନୀ କକ୍ଷରେ ଜିଲା ଉନ୍ନୟନ କୋଡିନେଶନ ଆଣ୍ଡ ମନିଟରିଂ କମିଟି(ଦିଶା)ର ବୈଠକ ଶୁକ୍ରବାର ଅନୁଷ୍ଠିତ ହୋଇଯାଇଛି। କମିଟିର ଅଧ୍ୟକ୍ଷ କଟକ ଏମ୍ପି ଭର୍ତ୍ତୃହରି ମହତାବ ଏଥିରେ ଅଧ୍ୟକ୍ଷତା କରିଥିଲେ। ଅନ୍ୟମାନଙ୍କ ମଧ୍ୟରେ ଖଣ୍ଡପଡ଼ା ବିଧାୟକ ସୌମ୍ୟ ରଞ୍ଜନ ପଟ୍ଟନାୟକ, ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ, ଦଶପଲ୍ଲା ବିଧାୟକ ରମେଶ ବେହେରା, ଜିଲା ପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକ, ଜିଲାପାଳ ରବୀନ୍ଦ୍ର ନାଥ ସାହୁ, ଜିଲା ପରିଷଦର ନିର୍ବାହୀ ଅଧିକାରୀ ସୁବାସ ଚନ୍ଦ୍ର ରାୟ ପ୍ରମୁଖ ସମୀକ୍ଷା କରିଥିଲେ। ଜିଲା ପରିଷଦ ସଭ୍ୟ, ବ୍ଲକ ଅଧ୍ୟକ୍ଷମାନେ ମଧ୍ୟ ସମୀକ୍ଷାରେ ଭାଗ ନେଇଥିଲେ। ରାଶନ କାର୍ଡ ରୋଜଗାର ଦେଉଥିବା କେତେଜଣ ସରପଞ୍ଚ ପ୍ରକାଶ କରିଥିବା ତଥ୍ୟ ଜିଲା ପରିଷଦ ସଭ୍ୟ ଗୃହରେ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ମୃତକଙ୍କ ନଁା ରାଶନ କାର୍ଡରୁ କଟିଗଲେ ଅଯୋଗ୍ୟ ହିତାଧିକାରୀ ବାଦ୍ ପଡ଼ିଲେ ସେମାନେ ଚଳିବେ କିପରି ବୋଲି ପ୍ରଶ୍ନ କରିଥିବା ବେସରକାରୀ ଭାବେ କହିଥିଲେ।
ଅନ୍ୟପକ୍ଷେ ନବଜାତ ଶିଶୁଙ୍କ ଡାଟା ଅଙ୍ଗନୱାଡି ଓ ସ୍ବାସ୍ଥ୍ୟକେନ୍ଦ୍ରର ମିଶୁ ନ ଥିବାରୁ ଉଦ୍ବେଗ ପ୍ରକାଶ ପାଇଛି। ଜିଲାରେ କେତେ ଶିଶୁ ଜନ୍ମ ହେଉଛନ୍ତି, ଏକ ହଜାର ପୁଅରେ ଝିଅ ସଂଖ୍ୟା କେତେ ଡାଟା ବେସ ରିପୋର୍ଟ ପ୍ରସ୍ତୁତ ହୋଇପାରୁନାହିଁ। ସେହିପରି ବୈଠକକୁ ପ୍ରସ୍ତୁତ ହୋଇ ଆସୁ ନ ଥିବାରୁ ଅନେକ ଅଧିକାରୀ ହଟହଟା ହୋଇଥିବା ଦେଖିବାକୁ ମିଳିଥିଲା। ପୁଣି ୫-ଟି ସ୍କୁଲରେ ସରକାରୀ ଅନୁଦାନ ଖର୍ଚ୍ଚର ରହୁନି ସୂଚନାଫଳକ। ଏମ୍ଜିଏନ୍ଆର୍ଇଜିଏସ୍ ଅନୁଦାନ ମଧ୍ୟ ଖର୍ଚ୍ଚ ହେଉଥିବାରୁ ୫-ଟି ସ୍କୁଲରେ ସ୍ବଚ୍ଛତା ରହୁନି। ଏମ୍ଜିଏନ୍ଆର୍ଇଜିଏସ୍ରେ ନିର୍ଦ୍ଦିଷ୍ଟ କେତେଜଣ ଭେଣ୍ଡେରଙ୍କୁ ଅନୁକମ୍ପା ଦେଖା ଯାଉଥିବାରୁ ଉଦ୍ବେଗ ପ୍ରକାଶ ପାଇଥିଲା। ମୋବାଇଲ ଟାୱାର ନିର୍ମାଣରେ ବିଏସ୍ଏନ୍ଏଲ ବିଳମ୍ବ କରୁଥିବାରୁ ଅସନ୍ତୋଷ ପ୍ରକାଶ ପାଇଥିଲା। ରାଶନ କାର୍ଡରେ ଅଯୋଗ୍ୟ ହିତାଧିକାରୀଙ୍କୁ କଟାଯାଉନି କାହିଁକି, ଯୋଗ୍ୟ ହିତାଧିକାରୀଙ୍କୁ ନୂଆକାର୍ଡ ଦିଆଯାଉ ନ ଥିବାରୁ ଅସନ୍ତୋଷ ପ୍ରକାଶ ପାଇଥିଲା। ପୁଣି ଅନ୍ତୋଦୟ ଅନ୍ନ ଯୋଜନାରେ ବହୁ ଗରିବ ସାମିଲ ହୋଇ ପାରୁନାହାନ୍ତି। କୌଣସି ବ୍ୟକ୍ତିଙ୍କ ମୃତ୍ୟୁ ହେଲେ ତାଙ୍କ ବଦଳରେ ଅନ୍ୟ ହିତାଧିକାରୀଙ୍କୁ ସାମିଲ କରାଯାଇ ପାରୁନାହିଁ। ପରିବାର କେତେଜଣ ଲୋକ ରାଶନ କାର୍ଡରୁ ବାଦ୍ ପଡ଼ିଥିଲେ ମଧ୍ୟ ସେମାନଙ୍କୁ ମଧ୍ୟ ସାମିଲ କରାଯାଉନାହିଁ। ଜିଲା ଯୋଗାଣ ଅଧିକାରୀ ନୂଆ ରାଶନ କାର୍ଡ ବନ୍ଦ ଥିବା କହିଥିଲେ। ଅନ୍ତୋଦୟ ଅନ୍ନ ଯୋଜନାରେ ଦେଇଥିବା ଉତ୍ତରରେ ସଭ୍ୟମାନେ ଅସନ୍ତୋଷ ବ୍ୟକ୍ତ କରିଥିଲେ। ସ୍ବଚ୍ଛ ଭାରତ ମିଶନ କାର୍ଯ୍ୟ ଉପରେ ଅସନ୍ତୋଷ ପ୍ରକାଶ ପାଇଥିଲା। ଚାନ୍ଦପୁରରେ ହିତାଧିକାରୀ ପାଇଖାନା କରି ବର୍ଷେ ହେଲା ଅନୁଦାନ ପାଉନାହାନ୍ତି ବୋଲି ରଣପୁର ବ୍ଲକ ଅଧ୍ୟକ୍ଷ ଅଭିଯୋଗ କରିଥିଲେ। ସେହିଭଳି ପ୍ରଧାନମନ୍ତ୍ରୀ ଆଦର୍ଶ ଗ୍ରାମ୍ୟ ଯୋଜନା, ମଡେଲ ପ୍ଲେ ଗ୍ରାଉଣ୍ଡ ଓ ଏମ୍ଜିଏନ୍ଆର୍ଇଜିଏସ୍ ଉପରେ ଅଲୋଚନା ହୋଇଥିଲା।