ବିଞ୍ଝାରପୁର,୧୮।୪:(ଡି.ଏନ.ଏ.) ଯାଜପୁର ଜିଲା ବିଞ୍ଝାରପୁର ଥାନା ଅଧୀନ ଟିଣା ପଞ୍ଚାୟତରେ ଏକ ରାସ୍ତା ନିର୍ମାଣକୁ ବିରୋଧ କରିବାକୁ ନେଇ ଗଣ୍ଡଗୋଳ ଘଟିଛି ା ରାସ୍ତା ନିର୍ମାଣ କରୁଥିବା ଶ୍ରମିକମାନଙ୍କୁ ଟିଣା ପଞ୍ଚାୟତର ସରପଞ୍ଚ ବିଟାରଶ୍ମି ନାୟକଙ୍କ ସ୍ବାମୀ ଉକତ୍ଳକାନ୍ତ ନାୟକ ଓ ତାଙ୍କ ସମର୍ଥକମାନେ ଗୋଡେଇ ଗୋଡେଇ ନିସ୍ତୁକ ମାଡ ମାରିଥିବା ବିଞ୍ଝାରପୁର ଥାନାରେ ଅଭିଯୋଗ ହୋଇଛି ା ପୋଲିସ ଶ୍ରମିକମାନଙ୍କ ଅଭିଯୋଗକୁ ଭିତ୍ତି କରି ସରପଞ୍ଚଙ୍କ ସ୍ବାମୀ ଓ ତାଙ୍କ ସମର୍ଥକମାନଙ୍କ ନାମରେ ମାମଲା ରୁଜ କରି ତଦନ୍ତ ଆରମ୍ଭ କରିଛି ା
ସୂଚନା ଅନୁଯାୟୀ, ଆରଡି ବିଭାଗ ପକ୍ଷରୁ କପିଳା ପଞ୍ଚାୟତ ଗୁହାଳିଠାରୁ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ଏକ ନୂତନ ରାସ୍ତା ଦରିଆନାହାକାଣି ଦେଇ ଅଣ୍ଢାଳୋ ପର୍ଯ୍ୟନ୍ତ ନିର୍ମାଣ କରାଯାଉଛି। ଏହି ରାସ୍ତା ଟିଣା ଗ୍ରାମକୁ ମଧ୍ୟ ସଂଯୋଗ କରାଯାଉଛି ା ତେବେ ଟିଣାକୁ ଏହି ରାସ୍ତା ସଂଯୋଗ କରାଯାଉଥିବା ବେଳେ କେତେଜଣ ଚାଷୀ ନିଜର ଜମି ହରାଉଛନ୍ତି। ଏହାକୁ ଦର୍ଶାଇ ରବିବାର ମଧ୍ୟାହ୍ନରେ କାମ ଚାଲୁଥିବା ବେଳେ ସରପଞ୍ଚଙ୍କ ସ୍ବାମୀ ଉକତ୍ଳକାନ୍ତ କେତେଜଣ ଲୋକଙ୍କୁ ନେଇ ରାସ୍ତା ନିର୍ମାଣ କରୁଥିବା ଶ୍ରମିକମାନଙ୍କୁ କାମ ବନ୍ଦ କରିବାକୁ କହିଥିଲେ ା ଏହାପରେ ସେମାନଙ୍କୁ ବିଲ ମଝିରେ ଗୋଡ଼ାଇ ଗୋଡ଼ାଇ ପିଟିଥିଲେ। ଏହି ଆକ୍ରମଣରେ ୩ ଶ୍ରମିକ ଆହତ ହୋଇଛନ୍ତି। ସେମାନଙ୍କୁ ଠିକାସଂସ୍ଥା ପକ୍ଷରୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଆହତ ଶ୍ରମିକମାନେ ଏଥିନେଇ ଥାନାରେ ଅଭିଯୋଗ କରିଛନ୍ତି। ପୋଲିସ ଉକତ୍ଳକାନ୍ତଙ୍କୁ ଥାନାକୁ ଡକାଇ ପଚରା ଉଚରା କରିଛି। ଅନ୍ୟପକ୍ଷେ ଉକ୍ତ ରାସ୍ତା ବେଆଇନ ଭାବେ ନିର୍ମାଣ କରାଯାଉଛି ା ରାସ୍ତା ନିର୍ମାଣ ଦ୍ୱାରା ଚାଷୀମାନଙ୍କ ଜମି ଚାଲି ଯାଉଛି ା ଚାଷୀ ଏହାକୁ ବିରୋଧ କରିବାରୁ ଠିକାଦାର ଚାଷୀମାନଙ୍କୁ ଗାଳିଗୁଲଜ କରିଥିଲେ ା ଏ ସମ୍ପର୍କରେ ବୁଝିବାକୁ ସରପଞ୍ଚଙ୍କ ସ୍ବାମୀ ଉକତ୍ଳକାନ୍ତ ଯାଇଥିଲେ। ହେଲେ ଠିକାଦାର ତାଙ୍କୁ ମାଡ଼ ମାରିଥିବା ଥାନାରେ ଅଭିଯୋଗ ହୋଇଛି ା ଉଭୟ ଅଭିଯୋଗକୁ ଭିତ୍ତି କରି ପୋଲିସ ତଦନ୍ତ ଆରମ୍ଭ କରିଥିବା ଥାନା ଅଧିକାରୀ ରିତ ମହାନ୍ତି କହିଛନ୍ତି ା