ମାଲକାନଗିରି, ୧୯।୧୨ (ଦୁର୍ଯ୍ୟୋଧନ ପାତ୍ର): ଦକ୍ଷିଣ ଆଫ୍ରିକାରେ ଅନୁଷ୍ଠିତ ହେଉଥିବା କ୍ରିକେଟ୍ ସିରିଜରେ ଅଂଶଗ୍ରହଣ କରିଥିବା ଭାରତୀୟ କ୍ରିକେଟ ଦଳର ମ୍ୟାନେଜର ରୂପେ ମାଲକାନଗିରି ଜିଲାର ଶତବୀର ସିଂ ରିୟାର ଦାୟିତ୍ୱ ପାଇଛନ୍ତି। ଏହା ଜିଲା ପାଇଁ ଗୌରବ ଆଣିଦେଇଛି ।
ରିୟାରଙ୍କ ଭିଜା ହୋଇ ପାରୁ ନ ଥିବାରୁ ଦକ୍ଷିଣ ଆଫ୍ରିକାରେ ପ୍ରଥମେ ଅନୁଷ୍ଠିତ ହୋଇଥିବା ମ୍ୟାଚଗୁଡିକରେ ସେ ଭାଗ ନେଇ ପାରି ନ ଥିଲେ। ଏବେ ଏହି ସମସ୍ୟା ନ ଥିବାରୁ ସେ ମଙ୍ଗଳବାର ଦକ୍ଷିଣ ଆଫ୍ରିକା ଗସ୍ତ କରିବେ। ଗୋଟିଏ ଦିନିକିଆ ଓ ଦୁଇଟି ଟେଷ୍ଟ ମ୍ୟାଚରେ ସେ ମ୍ୟାନେଜର ଭାବେ ଦାୟିତ୍ୱ ତୁଲାଇବେ ବୋଲି ରିୟାର ପ୍ରକାଶ କରିଛନ୍ତି।