‘ଇଡି, ସିବିଆଇକୁ ନେଇ ଭୟଭୀତ ହେବାର ଆବଶ୍ୟକ ନାହିଁ, ୨୦୨୪ରେ ଭାଜପାର ପରାଜୟ ନିଶ୍ଚିତ’

ଶ୍ରୀନଗର ୨୪।୬: ୨୦୨୪ ଲୋକ ସଭା ନିର୍ବାଚନ ଏବଂ ବିରୋଧୀ ଏକତାକୁ ନେଇ ସାରା ଦେଶରେ ଚାଲିଥିବା ରାଜନୈତିକ ଉଷ୍ମତା ମଧ୍ୟରେ ଜମ୍ମୁ-କଶ୍ମୀରର ପୂର୍ବତନ ରାଜ୍ୟପାଳ ସତ୍ୟପାଲ ମଲିକ ପୁଣି ଥରେ ମୋଦି ସରକାରଙ୍କୁ ଟାର୍ଗେଟ କରିଛନ୍ତି। ସେ ଟୁଇଟ୍‌ କରିଛନ୍ତି, ମୁଁ ସମସ୍ତ ନେତାଙ୍କୁ କହୁଛି ଯେ ଆପଣଙ୍କୁ ଇଡି ଏବଂ ସିବିଆଇ ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ। ସତ୍ୟକୁ ସାମ୍ନା କର। ୨୦୨୪ ଲୋକ ସଭା ନିର୍ବାଚନରେ ଭାରତୀୟ ଜନତା ଦଳର ପରାଜୟ ନିଶ୍ଚିତ।

ସତ୍ୟପାଲ ମଲିକ ଆହୁରି କହିଛନ୍ତି, ବର୍ତ୍ତମାନ ଆପଣ ସାହସର ସହିତ କେନ୍ଦ୍ର ସରକାରଙ୍କ ଏହି ଏଜେନ୍ସିଗୁଡ଼ିକର ସାମ୍ନା କରିବା ଉଚିତ୍‌। ଛଅ ମାସ ପରେ ସେମାନଙ୍କର ପରାଜୟ ନିଶ୍ଚିତ। ଏହା ପରେ ଅଧିକାରୀମାନେ ମଧ୍ୟ ଅନୁଭବ କରିବେ ଯେ ବର୍ତ୍ତମାନ ଚାଲିଯିବାର ସମୟ ଆସିଛି, ତେଣୁ କିଛି କରିବାର ଆବଶ୍ୟକତା ନାହିଁ। ଏହା ପରେ କେବଳ କ୍ଷମତାରେ ବସିଥିବା ଭାଜପା ଲୋକଙ୍କର ଅନୁସନ୍ଧାନ କରାଯିବ।