ବ୍ରହ୍ମପୁର,୧୧ା୯(ସ୍ମୃତି ରଞ୍ଜନ ମହାଲିକ): ବ୍ରହ୍ମପୁରର ବାଲୁକା ଶିଳ୍ପୀ ସତ୍ୟ ନାରାୟଣ ମହାରଣା ପେନ୍ସିଲ ମୁନରେ କରିଥିବା କ୍ଷୁଦ୍ରତମ ଭାରତ ମାନଚିତ୍ର ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଛି। ସତ୍ୟ ଗତ ସ୍ବାଧୀନତା ଦିବସ ଅବସରରେ ୨ ମିଲିମିଟର ଉଚ୍ଚତା ଓ ୨ ମିଲିମିଟର ଓସାର ବିଶିଷ୍ଟ ଏହି କଳାକୃତିକୁ ୪ ମିନିଟ ୫୭ ସେକେଣ୍ଡ ମଧ୍ୟରେ କରିଥିଲେ। ଏହା ବିଶ୍ୱର ସବୁଠାରୁ କ୍ଷୁଦ୍ରତମ ମାନଚିତ୍ର ବୋଲି ଦୃଢୋକ୍ତି ପ୍ରକାଶ କରି ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ଦେବା ନିମନ୍ତେ ଆବେଦନ କରିଥିଲେ। ତେବେ ଏହା ଇଣ୍ଡିଆ ବୁକ ଅଫ ରେକର୍ଡରେ ସ୍ଥାନ ପାଇଥିବା ନେଇ ସତ୍ୟଙ୍କୁ ଇ-ମେଲ ମାଧ୍ୟମରେ ସୂଚନା ମିଳିଥିବା ସେ ଜଣାଇଛନ୍ତି। ସୂଚନାଯୋଗ୍ୟ, ସତ୍ୟ ପୂର୍ବରୁ ୧ ମିଲିମିଟରୁ କମ ଉଚ୍ଚତା ବିଶିଷ୍ଟ ତ୍ରିରଙ୍ଗା ଓ ଚକ୍ରେ ୭୫ଟି କ୍ଷୁଦ୍ରତମ ପର୍ଯ୍ୟଟନସ୍ଥଳ ନିର୍ମାଣ କରି ବିିଭିନ୍ନ ରେକର୍ଡ ହାସଲ କରିଛନ୍ତି। ସତ୍ୟ କ୍ଷୁଦ୍ରତମ କଳାକୃତି ନିର୍ମାଣ କରି ବର୍ତ୍ତମାନ ସୁଦ୍ଧା ୬୦ରୁ ଉର୍ଦ୍ଧ୍ୱ ରେକର୍ଡ ହାସଲ କଲେଣି।
