ରିୟାଦ,୧୩।୭: ଆର୍ଥିକ ସଙ୍କଟ ଦେଇ ଗତି କରୁଥିବା ପାକିସ୍ତାନର ସମସ୍ୟା କମ ହେବାର ନାଁ ନେଉନି। ଏବେ ପାକିସ୍ତାନ ଏୟାରଲାଇନ୍ସକୁ ବାକି ପଇଠ ନ କରିଥିବାରୁ ରିୟାଦ ଏୟାରପୋର୍ଟ ଅଥରିଟି ଅନ୍ତିମ ଚେତାବନୀ ବା ଫାଇନାଲ ଓ୍ବାର୍ନିଂ ଦେଇଛନ୍ତି। ଏ ସମ୍ପର୍କରେ ଏକ ଘରୋଇ ଟେଲିଭିଜନ ଚ୍ୟାନେଲ ତା’ର ରିପୋର୍ଟରେ ଦର୍ଶାଇଛି।
ଉକ୍ତ ରିପୋର୍ଟରେ ଦାବି କରାଯାଇଛି ଯେ ପାକିସ୍ତାନ ଇଣ୍ଟରନ୍ୟାସନାଲ ଏୟାରଲାଇନ୍ସ (ପିଆଇଏ) ରିୟାଦ ବିମାନବନ୍ଦର ପ୍ରାଧିକରଣ (ଆରଏଏ) ରୁ ଅଲ୍ଟିମେଟମ ଗ୍ରହଣ କରିଛି ଏବଂ ଏହା ସହିତ କର୍ତ୍ତୃପକ୍ଷ ପିଆଇଏକୁ ୮.୨ ନିୟୁତ ରିୟାଲ ଦେବାକୁ କହିଛନ୍ତି। ଏଥିପାଇଁ ଜୁଲାଇ ୧୫ ପର୍ଯ୍ୟନ୍ତ ସମୟ ଦିଆଯାଇଛି। ଯଦି ଧାର୍ଯ୍ୟ ସମୟ ମଧ୍ୟରେ ଦେୟ ସମାପ୍ତ ନ ହୁଏ, ତେବେ ରିୟାଦ ବିମାନବନ୍ଦର କର୍ତ୍ତୃପକ୍ଷ ପାକିସ୍ତାନ ଏୟାରଲାଇନ୍ସର ବିମାନ ଉପରେ ପ୍ରଭାବ ପକାଇପାରେ।
କେବଳ ଏତିକି ନୁହେଁ, ଜେଡ୍ଡା ବିମାନ ବନ୍ଦର ମଧ୍ୟ ଦେୟ ନଦେବା ପାଇଁ ପିଆଇଏକୁ ଚେତାବନୀ ଦେଇଛ। ରିୟାଦ ବିମାନବନ୍ଦର କର୍ତ୍ତୃପକ୍ଷଙ୍କ ଦ୍ୱାରା ସ୍ମାରକପତ୍ର ପ୍ରଦାନକୁ ଜଣେ ପିଏଆଇ ମୁଖପାତ୍ର ନିଶ୍ଚିତ କରିଛନ୍ତି। ଏହି ସମୟରେ ସେ କହିଛନ୍ତି ଯେ ଦେୟ ପ୍ରଦାନ ତଥା ତୁରନ୍ତ ସମସ୍ୟାର ସମାଧାନ ଦିଗରେ ବିମାନ ସେବା ସକ୍ରିୟ ଭାବେ କାର୍ଯ୍ୟ କରୁଛି।
