ରିଆଦ,୩।୪ : ସୌ ଆରବ, ପେଟ୍ରୋଲିୟମ ରପ୍ତାନିକାରୀ ଦେଶ ସଂଗଠନ (ଓପେକ) ର ଅନ୍ୟ ସଦସ୍ୟମାନଙ୍କ ସହିତ ମେ ମାସରୁ ୨୦୨୩ ଶେଷ ପର୍ଯ୍ୟନ୍ତ ଦିନକୁ ୫ ଲକ୍ଷ ବ୍ୟାରେଲ ତୈଳ ଉତ୍ପାଦନ ହ୍ରାସ କରିବ। ସୌଦି ଆରବ ସହିତ ରୁଷିଆ, କୁଏତ, ଇରାନ ଭଳି ଅନ୍ୟ ତୈଳ ଉତ୍ପାଦନକାରୀ ଦେଶ ମଧ୍ୟ ଏହାକୁ ସମର୍ଥନ କରିଛନ୍ତି।
ସୂଚନାନୁସାରେ, ରୁଷିଆର ଉପମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି ଯେ ମସ୍କୋ ସ୍ବେଚ୍ଛାକୃତ ଭାବେ ୫ ଲକ୍ଷ ବିପିଡି କଟ ୨୦୨୩ ଶେଷ ପର୍ଯ୍ୟନ୍ତ ବୃଦ୍ଧି କରିବ। ଏହି ଦୁଇ ଦେଶ ସହିତ ସଂଯୁକ୍ତ ଆରବ ଏମିରେଟ୍ସ, କୁଏତ, ଇରାକ, ଓମାନ ଏବଂ ଆଲଜେରିଆ ମଧ୍ୟ ସମାନ ସମୟ ମଧ୍ୟରେ ସ୍ବେଚ୍ଛାକୃତ ଭାବରେ ତୈଳ ଉତ୍ପାଦନ ହ୍ରାସ କରିବେ ବୋଲି କହିଛନ୍ତି।
ୟୁଏଇ କହିଛି ଯେ ଏହା ଉତ୍ପାଦନକୁ ୧୪୪ ହଜାର ବିପିଡି ହ୍ରାସ କରିବ। କୁଏତ ୧୨୮ ହଜାର ବିପିଡି କଟ ଘୋଷଣା କରିଛି। ଏହାକୁ ଦୃଷ୍ଟିରେ ରଖି ଇରାକ ଉତ୍ପାଦନକୁ ୨୧୧ ହଜାର ବିପିଡି ହ୍ରାସ କରିବ ବୋଲି କହିଛି। ଓମାନ ୪୦ ହଜାର ବିପିଡି କଟ ଘୋଷଣା କରିଛି। ସେହିପରି ଆଲଜେରିଆ କହିଛି ଯେ ଏହାର ଉତ୍ପାଦନ ୪୮ ହଜାର ବିପିଡି ହ୍ରାସ କରିବ।