ନୂଆଦିଲ୍ଲୀ,୧୭।୩:ଦେଶର ପ୍ରମୁଖ ଆୟୁର୍ବେଦିକ ଉତ୍ପାଦ ନିର୍ମାତା ତଥା ଭିକୋ ଗ୍ରୁପ୍ର ସହଯୋଗୀ ସଂସ୍ଥା ଭିକୋ ଲାବରେଟୋରିଜ୍ (ଭିକୋ ଲାବ୍ସ)ର ନୂତନ ଚେହେରା ଭାବେ ଗ୍ଲୋବାଲ ଆଇକନ ତଥା ପୂର୍ବତନ ଭାରତୀୟ କ୍ରିକେଟର ସୌରଭ ଗାଙ୍ଗୁଲି (ଦାଦା ଭାବେ ଭାରତରେ ବେଶ୍ ପରିଚିତ) ସାମିଲ ହୋଇଛନ୍ତି। ଏପରିକି ସୌରଭ ଭିକୋ ଲାବ୍ସର ଆଇକନିକ ପ୍ରଡକ୍ଟ ‘ଭିକୋ ସେଭିଂ କ୍ରିମ୍’ର ବ୍ରାଣ୍ଡ୍ ଆମ୍ବାସାଡାର ଭାବେ ଉକ୍ତ ଉତ୍ପାଦର ପ୍ରଚାର ଓ ପ୍ରସାରରେ ସହାୟତା କରିବେ ବୋଲି ଭିକୋ ଲାବ୍ସ ପକ୍ଷରୁ କୁହାଯାଇଛି। ସେହିଭଳି ଦାଦାଙ୍କୁ ନେଇ କମ୍ପାନୀ ଏକ ଟିଭିସି ରେକର୍ଡିଂ କରିଥିବା ଜଣାପଡ଼ିଛି। ଉକ୍ତ ଟିଭିସିରେ ଦାଦା ହର୍ ଦିଲ୍ ଭିକୋ ଏବଂ ହର୍ ଘର୍ ଭିକୋର ପ୍ରଭାବୀ ପ୍ରଚାର କରୁଛନ୍ତି। ଏକ ସୁନ୍ଦର ସଙ୍ଗୀତ ମାଧ୍ୟମରେ ଦାଦା ବେଶ୍ ପ୍ରଭାବୀ ଢଙ୍ଗରେ ଭାରତୀୟ ଗ୍ରାହକଙ୍କୁ ସଚେତନ କରାଉଛନ୍ତି। ଉଲ୍ଲେଖଯୋଗ୍ୟ, ଭିକୋର ବିଭିନ୍ନ ଉତ୍ପାଦ ଭାରତୀୟ ଗ୍ରାହକଙ୍କ ବିଶ୍ୱାସଭାଜନ ସହ ପସନ୍ଦର ଆୟୁର୍ବେଦ ଉତ୍ପାଦ ଭାବେ ଦୀର୍ଘ ବର୍ଷ ହେବ ଲୋକପ୍ରିୟ ବ୍ରାଣ୍ଡ୍ର ମାନ୍ୟତା ହାସଲ କରିଛି।