ଦାରିଙ୍ଗବାଡି, ୧୨।୧ (ଅରୁଣ ସାହୁ )-ଦାରିଙ୍ଗବାଡି ଶୀତ ମହୋତ୍ସବରେ ବିଶିଷ୍ଠ କଳାକାରଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପ୍ରଥମ ଦିନ ମହୋତ୍ସବରେ ବିଶିଷ୍ଠ କଣ୍ଠଶିଳ୍ପୀ ସୌରଭ ଭରଦ୍ୱାଜ ମଞ୍ଚରେ ଜଗନ୍ନାଥଙ୍କ ଭଜନ ପରିବେଷଣ କରିଥିଲେ। ତାଙ୍କ ଭଜନରେ ଦର୍ଶକଙ୍କ ମଧ୍ୟରେ ଗୋଟିଏ ପ୍ରକାର ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲେ ସୌରଭ ଯେତେବେଳେ ମଞ୍ଚରେ ପ୍ରଥମେ ଭଜନ ପରିବେଷଣ କରିବା ପୂର୍ବରୁ ଜୋତା ଖୋଲି ଖାଲି ପାଦରେ ଭଜନ ଗାଇଥିଲେ, ଯାହାକି ଜଗନ୍ନାଥଙ୍କ ପ୍ରତି ତାଙ୍କ ଯଥେଷ୍ଟ ସମ୍ମାନ ଦେଖି ଶ୍ରୋତାତଥା ଦର୍ଶକଙ୍କ ମଧ୍ୟରେ ଏକ ଭାବାବେଗ ସୃଷ୍ଟି ହୋଇଥିଲା।
ସୌରଭ ଏବେ ରାଜ୍ୟରେ ଯୁବପିଢ଼ିଙ୍କ ଫ୍ୟାନ ଭାବେ ପରିଚିତ। ଦାରିଙ୍ଗବାଡି ପକ୍ଷରୁ ତାଙ୍କୁ ମହୋତ୍ସବକୁ ନିମନ୍ତ୍ରଣ କରାଯାଇଥିଲା। ମହୋତ୍ସବ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା। ସେ ଜୋତା ଖୋଲି ମଞ୍ଚରେ ଭଜନ ଗାଇଥିବାରୁ ତାହା ଏବେ ଅଞ୍ଚଳରେ ଚର୍ଚ୍ଚା ଜୋର ଧରିଛି। କେଳେ ସୌରଭ ନୁହଁନ୍ତି, ପରବର୍ତ୍ତୀ କଣ୍ଠଶିଳ୍ପୀ ସତ୍ୟଜିତ ପ୍ରଧାନ ମଧ୍ୟ ମଞ୍ଚ ଉପରେ ପହଞ୍ଚି ପ୍ରଥମେ ଜଗନ୍ନାଥ ଭଜନରୁ ନିଜ ସଙ୍ଗୀତ ପରିବେଷଣ ଆରମ୍ଭ କରିଥିଲେ। ସେ ମଧ୍ୟ ମଞ୍ଚରେ ନିଜ ଜୋତା ଖୋଲି ଭଜନ ପରିବେଷଣ କରିଥିଲେ।
