ବେଙ୍ଗାଲୁରୁ,୨୦।୪: ଗତ ୧୦ ବର୍ଷ ହେବ ଅର୍କାବତି ନଦୀ ଘାଟିର ହ୍ରଦରେ ପ୍ରଦୂଷଣର ଗମ୍ଭିର ସମସ୍ୟାରେ ପେସି ହେଉଥିବା ଡୋଡ୍ଡାବଲ୍ଲାପୁର ବିଧାନସଭା ଅଞ୍ଚଳରେ ୧୦ରୁ ଅଧିକ ଗାଁର ଗ୍ରାମବାସୀ ସେମାନଙ୍କ ଦାବି ସ୍ପଷ୍ଟ କରି ପ୍ରାର୍ଥୀଙ୍କୁ ଚେତାବନୀ ଦେଇଛନ୍ତି। ୧୦ ମେ’ରେ ହେବାକୁ ଯାଉଥିବା କର୍ନାଟକ ବିଧାନସଭା ନିର୍ବାଚନକୁ ସେମାନେ ବର୍ଜନ କରିବେ ନଚେତ ଉପରୋକ୍ତ ମଧ୍ୟରୁ କେହି ନୁହେଁ(ନୋଟା)କୁ ବିକଳ୍ପ ଭାବେ ବାଛିନେବେ ବୋଲି କହିଛନ୍ତି। ଡୋଡ୍ଡାତୁମକୁରୁ ଓ ମଜାରା ହୋସାହଲ୍ଲି ଗ୍ରାମ ପଞ୍ଚାୟତ କେରେ ହୋରତା ସମିତି ଏ ସମ୍ପର୍କରେ ହସ୍ତାକ୍ଷର ଅଭିଯାନ ଆରମ୍ଭ କରିଛନ୍ତି। ଗ୍ରାମବାସୀ ଅଭିଯୋଗ କରିଛନ୍ତି କି ବଶେଟ୍ଟିହଲ୍ଲି ଔଦ୍ଦୋଗିକ ଅଞ୍ଚଳରେ ଇଣ୍ଡଷ୍ଟ୍ରିର ବର୍ଜ୍ୟ ଜଳ ପ୍ରବାହରେ ଡୋଡ୍ଡାବଲ୍ଲାପୁର ସହର ନଗରପାଳିକା ପରିଷଦ ଓ ମଶେଟ୍ଟିହଲ୍ଲି ନଗର ପଞ୍ଚାୟତରୁ ସିଓ୍ବେଜ ପାଣିରୁ ମଜରା ହୋସାହଲ୍ଲି ଓ ଡୋଡ୍ଡା ତୁମକୁର ହ୍ରଦ ଅତ୍ୟଧିକ ପ୍ରଦୂଶିତ ହୋଇ ସାରିଛିି। ଏହାର ସଫେଇ ଉପରେ କେହି ଧ୍ୟାନ ଦେଉ ନାହାନ୍ତି।
ସମିତିର ସଦସ୍ୟ ବସନ୍ତ କୁମାର ଟିକେ କହିଛନ୍ତି, ଆମେ ୨୦୨୨ରୁ ଆମର ଲଢେଇ ବଢାଇ ଦେଇଛୁ, ଏବେ ଆମର ବିରୋଧ ଦାବି କରି ନିର୍ବାଚନକୁ ଏକ ଅସ୍ତ୍ର କରିବାକୁ ନିଷ୍ପତ୍ତି ନେଇଛୁ। ଡୋଡ୍ଡା ତୁମକୁରା ଗାଁରେ ଆମ ସପକ୍ଷରେ ୭୦୦ରୁ ଅଧିକ ଗ୍ରାମବାସୀ ହସ୍ତାକ୍ଷର କରି ସାରିଛନ୍ତି। ଏହି ଅଭିଯାନ ଅନ୍ୟ ଗାଁରେ ବି ଆରମ୍ଭ କରାଯିବ।
