ଭୁବନେଶ୍ୱର,୧୭।୬: ଦେଶର ପ୍ରମୁଖ ଘରୋଇ ବୀମା କମ୍ପାନୀ ‘ଏସ୍ବିଆଇ ଲାଇଫ୍ ଇନସ୍ୟୁରାନ୍ସ’ର ବହୁ ପ୍ରତୀକ୍ଷିତ ଡିଜିଟାଲ ଅଭିଯାନ ‘ପାପା ହୈ ନା’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ବିଶେଷ କରି ଚଳିତ ବର୍ଷର ପିତୃ ଦିବସ ଅବସରରେ ଏସ୍ବିଆଇ ଲାଇଫ୍ ଇନସ୍ୟୁରାନ୍ସ ପକ୍ଷରୁ ପିଲାମାନଙ୍କ ଜୀବନରେ ଲାଇଫ୍ ମିତ୍ର (ଜୀବନ ମିତ୍ର) ଭାବେ ପିତାଙ୍କ ବନ୍ଧୁ, ମାର୍ଗଦର୍ଶକ ଓ ଆର୍ଥିକ ପରାମର୍ଶଦାତାର ବିଭିନ୍ନ ଭୂମିକାକୁ ପାଳନ କରାଯାଉଛି।
ଏପରିକି କମ୍ପାନୀର ପ୍ରମୁଖ ଡିଜିଟାଲ ଅଭିଯାନ ‘ପାପା ହୈ ନା’ ଅଧୀନରେ ଏସ୍ବିଆଇ ଲାଇଫ୍ ଏକ ସୁନ୍ଦର ଡିଜିଟାଲ ସିନେମା (ଚଳଚ୍ଚିତ୍ର) ମଧ୍ୟ ରିଲିଜ କରିଛି,ଯେଉଁଥିରେ ଜୀବନର ଆହ୍ବାନକୁ ଅତିକ୍ରମ କରିବା ପାଇଁ ବାପା କିଭଳି ନିଜର ଅନୁଭୂତିକୁ ବ୍ୟବହାର କରୁଛନ୍ତି, ଏହି ଚଳଚ୍ଚିତ୍ର ଜରିଆରେ ତାହା ଦର୍ଶାଯାଇଛି। ସେହିଭଳି ଏହି ଡିଜିଟାଲ ସିନେମାରେ ଏସ୍ବିଆଇ ଲାଇଫ୍ର ବ୍ରାଣ୍ଡ୍ ଦର୍ଶନ ମଧ୍ୟ ସାମିଲ ରହିଛି, ଯେଉଁଥିରେ ବାପାଙ୍କ ବୃତ୍ତିଗତ ଓ ପିଲାମାନଙ୍କ ଯତ୍ନ ନେବାର ଦ୍ୱୈତ ଭୂମିକାକୁ ସୁନ୍ଦର ଭାବେ ପ୍ରଦର୍ଶିତ କରାଯାଇଛି, ଏଥିରେ ଲାଇଫ୍ ମିତ୍ର ଭାବେ ସେ ନିଜ ପୁଅକୁ ଏକ ଜଟିଳ ସମୟକୁ ଅତିକ୍ରମ କରିବାରେ ସାହାଯ୍ୟ କରୁଥିବାର ଦେଖିବାକୁ ମିଳିବ। ଏପରିକି ବୃତ୍ତିଗତ ଓ ବ୍ୟକ୍ତିଗତ ଜୀବନର ଆହ୍ବାନଗୁଡିକୁ ଅତିକ୍ରମ କରିବା ପାଇଁ ପରାମର୍ଶ ଦେବା ଲାଗି ବୀମା ପରାମର୍ଶଦାତାମାନେ କିଭଳି ଉପଯୁକ୍ତ, ଏହି ଡିଜିଟାଲ ସିନେମା ମାଧ୍ୟମରେ ତାହାକୁ ସୁନ୍ଦର ଭାବେ ପ୍ରଦର୍ଶନ କରାଯାଇଛି।
ଏ ସମ୍ପର୍କରେ ଏସ୍ବିଆଇ ଲାଇଫ୍ର କର୍ପୋରେଟ କମ୍ୟୁନିକେଶନ୍ ଆଣ୍ଡ ସିଏସ୍ଆର୍ ମୁଖ୍ୟ ରବୀନ୍ଦ୍ର ଶର୍ମା କହିଛନ୍ତି, ଏସ୍ବିଆଇ ଲାଇଫ୍ର ନୂତନ ଡିଜିଟାଲ ଅଭିଯାନ ‘ପାପା ହୈ ନା’ ଚଳଚ୍ଚିତ୍ରରେ ପିତାମାନେ କିଭଳି ସେମାନଙ୍କ ଦକ୍ଷତାକୁ ନିଜ ପିଲାମାନଙ୍କ ବିକାଶ ପାଇଁ ବ୍ୟବହାର କରିପାରିବେ, ତାହାକୁ ବିସ୍ତୃତ ଭାବେ ଏହି ଚଳଚ୍ଚିତ୍ର ଜରିଆରେ ଉଲ୍ଲେଖ କରାଯାଇଛି। ଏସ୍ବିଆଇ ଲାଇଫ୍ର ‘ପାପା ହୈ ନା’ ଡିଜିଟାଲ ସିନେମାରେ ପ୍ରତି ବାପାଙ୍କ ଭୂମିକାକୁ ବିଶେଷ ଭାବେ ମାନ୍ୟତା ଦିଆଯାଇଛି, ଯିଏ ନିଜ ପିଲାଙ୍କ ପାଇଁ ପ୍ରେରଣା ଭାବେ ଉଭା ହୋଇଛନ୍ତି।
