ଭୁବନେଶ୍ୱର,୧୩।୬: ଭାରତୀୟ ଷ୍ଟେଟ୍ ବ୍ୟାଙ୍କ(ଏସବିଆଇ)ର ନୂତନ ଅଭିଯାନ ‘ଏସ୍ଏମ୍ଇ ଡିଜିଟାଲ ବିଜ୍ନେସ୍ ଋଣ’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ଏମ୍ଏସ୍ଏମ୍ଇ ଋଣ କ୍ଷେତ୍ରରେ ବ୍ୟାଙ୍କ ଏକ ନୂଆ ମାନଦଣ୍ଡ ଧାର୍ଯ୍ୟ କରାଯାଇଥିଲାବେଳେ ଆସନ୍ତା ୫ବର୍ଷ ମଧ୍ୟରେ ବ୍ୟାଙ୍କର ଅଭିବୃଦ୍ଧି ଓ ଲାଭ ପାଇଁ ଏମ୍ଏସ୍ଏମ୍ଇ ଅଗ୍ରିମକୁ ଗୁରୁତ୍ୱପୂର୍ଣ୍ଣ କ୍ଷେତ୍ର ଭାବେ ଚିହ୍ନଟ କରାଯାଇଛି। ଏଥିରେ ୪୫ମିନିଟ୍ ଭିତରେ ଏମ୍ଏସ୍ଏମ୍ଇଙ୍କୁ ଡିଜିଟାଲ ଋଣ ପ୍ରଦାନ କରାଯିବ।
ସେହିଭଳି ଋଣ ପ୍ରକ୍ରିୟାକୁ ସଙ୍ଗଠିତ କରିବା ଲାଗି ଏସ୍ଏମ୍ଇ ଡିଜିଟାଲ ଋଣ କ୍ଷେତ୍ରକୁ ଉନ୍ନତ ପ୍ରଯୁକ୍ତି ଓ ଏକ ଦୃଢ଼ ବ୍ୟବସ୍ଥା ବ୍ୟବହାର କରାଯାଇଛି। ଏପରିକି ଆଇଟିଆର୍, ଜିଏସ୍ଟି ରିଟର୍ନ ଏବଂ ବ୍ୟାଙ୍କ ଷ୍ଟେଟମେଣ୍ଟ ଭଳି ଅସଲି ଡାଟାକୁ ବ୍ୟବହାରକରି ବ୍ୟାଙ୍କ ଏକ ଡାଟା ଦ୍ୱାରା ପରିଚାଳିତ ଅନୁଶୀଳନ ଇଞ୍ଜିନ ବିକାଶ କରିଛି, ଯାହା ମାତ୍ର ୧୦ ସେକେଣ୍ଡ ଭିତରେ ଋଣ ମଞ୍ଜୁର ନିଷ୍ପତ୍ତି ପ୍ରଦାନ କରିବ। ଏଥିରେ କୌଣସି ମାନବିକ ହସ୍ତକ୍ଷେପ ଦରକାର ପଡ଼ିବନି।
ଏ ସମ୍ପର୍କରେ ଏସ୍ବିଆଇର ଅଧ୍ୟକ୍ଷ ଦୀନେଶ ଖାରା କହିଛନ୍ତି, ଏମ୍ଏସ୍ଏମ୍ଇ ଋଣ କ୍ଷେତ୍ରରେ ନବସୃଜନକୁ ତ୍ୱରାନ୍ବିତ କରିବା ପାଇଁ ଆମର ନିରନ୍ତର ପ୍ରୟାସ ଜାରି ରହିଛି। ଏପରିକି ଏହା ଉପରେ ଗୁରୁତ୍ୱ ଦେଇ ଏସ୍ଏମ୍ଇ ଡିଜିଟାଲ ବିଜ୍ନେସ୍ ଋଣ ସହିତ ଏକ ନୂତନ ଶିଳ୍ପ ମାନଦଣ୍ଡ ସ୍ଥାପନ କରିବାକୁ ଆମେ ପ୍ରତିଶ୍ରୁତିବଦ୍ଧ ରହିଛୁ।
