ନୂଆଦିଲ୍ଲୀ,୨୦।୧୦: ଦିଲ୍ଲୀରେ ବାଣ ସମ୍ପୂର୍ଣ୍ଣ ନିଷେଧାଦେଶ ବିରୋଧରେ ହୋଇଥିବା ଆବେଦନ ଉପରେ ସୁପ୍ରିମକୋର୍ଟ ତୁରନ୍ତ ଶୁଣାଣି କରିବାକୁ ମନା କରି ଦେଇଛନ୍ତି। କୋର୍ଟ ଏକ ଆବେଦନକୁ ଖାରଜ କରି କହିଛନ୍ତି ଯେ, ଲୋକଙ୍କୁ ନିର୍ମଳ ପବନରେ ନିଶ୍ୱାସ ନେବାକୁ ଦିଅନ୍ତୁ, ଉତ୍ସବ ପାଳନ କରିବାର ଅନ୍ୟ ଉପାୟ ଅଛି, ଆପଣ ମିଠା ପାଇଁ ଟଙ୍କା ଖର୍ଚ୍ଚ କରିପାରିବେ।
ଆବେଦନକାରୀ ଭାଜପା ନେତା ତଥା ଏମ୍ପି ମନୋଜ ତିୱାରୀଙ୍କ ଓକିଲ ନଡା ପ୍ରଦୂଷଣ ମାମଲାକୁ କୋର୍ଟରେ ରଖିବାକୁ ଚେଷ୍ଟା କରିଥିଲେ। ଏହା ଉପରେ କୋର୍ଟ କହିଛନ୍ତି ଯେ, ଆମେ ପରେ ଏହି ମାମଲାର ଶୁଣାଣି କରିବୁ।
ଦିଲ୍ଲୀ ହାଇକୋର୍ଟ ଦିଲ୍ଲୀ ପ୍ରଦୂଷଣ ନିୟନ୍ତ୍ରଣ କମିଟି (ଡିପିସିସି)ର ସମସ୍ତ ପ୍ରକାର ବାଣ ବିକ୍ରୟ ତଥା ବ୍ୟବହାର ଉପରେ ସମ୍ପୂର୍ଣ୍ଣ ନିଷେଧାଦେଶ ଲାଗୁ କରିବାକୁ ନିଷ୍ପତ୍ତି ଉପରେ ଚ୍ୟାଲେଞ୍ଚ୍ କରାଯାଉଥିବା ଆବେଦନକୁ ବିଚାର କରିବାକୁ ମନା କରିଥିଲେ।
