ଭୁବନେଶ୍ୱର,୧୦।୧୧(ବ୍ୟୁରୋ): ନଭେମ୍ବର ୧୫ରୁ ଷଷ୍ଠ ଏବଂ ସପ୍ତମ ଶ୍ରେଣୀ ସ୍କୁଲ ଖୋଲିବ। ଏନେଇ ବୁଧବାର ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ସୂଚନା ଦେଇଛନ୍ତି। ତେବେ ସ୍କୁଲରେ କୋଭିଡ ଗାଇଡ୍ଲାଇନ୍ ଅନୁଯାୟୀ ପାଠପଢ଼ା ହେବ ବୋଲି ସେ କହିଛନ୍ତି।
ଦୀପାବଳି ପୂର୍ବରୁ ଅଷ୍ଟମ, ନବମ, ଦଶମ ଶ୍ରେଣୀ ପାଇଁ ସ୍କୁଲ ଖୋଲାଯାଇଛି। ପିଲାମାନେ କୋଭିଡ୍ ନିୟମ ଅନୁଯାୟୀ ପାଠ ପଢ଼ୁଛନ୍ତି। ଏବେ ଷଷ୍ଠ ଏବଂ ସପ୍ତମ ପିଲା ଏହି କ୍ରମରେ ଯୋଡ଼ି ହୋଇଛନ୍ତି। ଆସନ୍ତା ଦିନରେ ବାକି ଶ୍ରେଣୀର ପିଲାମାନଙ୍କ ପାଇଁ ସ୍କୁଲ ଖୋଲିବା ନିଷ୍ପତ୍ତି ନିଆ ଯାଇପାରେ ବୋଲି ମନ୍ତ୍ରୀ କହିଛନ୍ତି।