ତାମିଲନାଡୁ,୧୦।୧୧: ତାମିଲନାଡୁ ତିରୁଭାଲ୍ଲୁର ଜିଲାରେ ଶୁକ୍ରବାର ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ଗୁରୁବାର ଭାରତୀୟ ପାଣିପାଗ ବିଭାଗ (ଆଇଏମଡି) ସୂଚନା ଦେଇଛି। ତେବେ ଜିଲାରେ ପ୍ରବଳ ବର୍ଷାକୁ ଆଖି ଆଗରେ ରଖି ଜିଲା ପ୍ରଶାସନ ପକ୍ଷରୁ ଶୁକ୍ରବାର ସ୍କୁଲ୍ ଏବଂ କଲେଜ ଛୁଟି ଘୋଷଣା କରାଯାଇଛି।
ଆଇଏମଡି ସୂଚନା ଅନୁଯାୟୀ,ତାମିଲନାଡୁର ଚେନ୍ନାଇ, ତିରୁଭାଲ୍ଲୁର, କଲ୍ଲାକୁରିଚି, ସାଲେମ, ଭେଲୋର, ତିରୁପାଟ୍ଟୁର, ରାନିପେଟ, ଥିରୁବାନ୍ନମାଲାଇ ଜିଲାରେ ଶୁକ୍ରବାର ବଜ୍ରପାତ ସହିତ ପ୍ରବଳ ବର୍ଷା ହେବାର ସମ୍ଭାବନା ରହିଛି। ଏଥିପାଇଁ ଏହି ସବୁ ଜିଲାରେ ରେଡ୍ ଓ୍ବାର୍ନିଂ ଜାରି କରିଛି ପାଣିପାଗ ବିଭାଗ।