ଇସଲାମବାଦ୍,୩।୯: ଫିତା କାଟିବା ବେଳେ କାମ ଦେଲାନି କଇଁଚି। ଅପେକ୍ଷା ନ କରି ଦାନ୍ତରେ ଫିତା କାଟି ଏକ ଇଲେକ୍ଟ୍ରୋନିକ୍ସ ଦୋକାନ ଉଦ୍ଘାଟନ କରିଛନ୍ତି ପାକିସ୍ତାନର ପଞ୍ଜାବ ପ୍ରଦେଶର ଜଣେ ମନ୍ତ୍ରୀ ଫାଏଜ ଉଲ ହାସନ ଚୌହାନ। ଘଟଣାର ଭିଡିଓ ଏବେ ଭାଇରାଲ ହେବାରେ ଲାଗିଛି।
ଏକ ଦୋକାନର ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇଥିବା ମନ୍ତ୍ରୀ ଚୌହାନ ବାରମ୍ବାର ଚେଷ୍ଟା ସତ୍ତ୍ୱେ କଇଁଚିରେ ଫିତାକୁ କଟିପାରି ନ ଥିଲେ। ବାଧ୍ୟହୋଇ ସେ ଦାନ୍ତ ଲଗାଇ ଫିତା କାଟିଥିଲେ। ଘଟଣାର ଭିଡିଓଟିକୁ ସେୟାର କରି ଚୌହାନ ଲେଖିଛନ୍ତି, କଇଁଚିଟି ଖରାପ ଥିଲା।