ନୂଆଦିଲ୍ଲୀ,୪।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ସାଂଘାଇ ସହଯୋଗ ସଂଗଠନ(ଏସସିଓ) ବୈଠକର ଆୟୋଜନ କରିଛନ୍ତି। ରୁଷିଆ ଏବଂ ଚାଇନା ସମେତ ଏସସିଓ ସଦସ୍ୟ ଦେଶମାନେ ପ୍ରାୟତଃ ଅନୁଷ୍ଠିତ ଏହି ବୈଠକରେ ସାମିଲ ହୋଇଛନ୍ତି। ଏହି ବୈଠକକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ଏହି ସମୟରେ ବିଶ୍ୱ ବିବାଦ, ଉତ୍ତେଜନା ଏବଂ ମହାମାରୀ ଦ୍ୱାରା ଘେରି ରହିଛି, ଏଭଳି ପରିସ୍ଥିତିରେ ଆମକୁ ଏକାଠି କାମ କରିବାକୁ ପଡିବ। ସେ ଏସସିଓରେ ସୁଧାରର ପ୍ରସ୍ତାବକୁ ସମର୍ଥନ କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ମୋଦି ନାଁ ନ ନେଇ ପାକିସ୍ତାନ ଉପରେ ଆକ୍ରମଣ କରଛନ୍ତି।
ଆଞ୍ଚଳିକ ତଥା ବିଶ୍ୱ ଶାନ୍ତି ପାଇଁ ଆତଙ୍କବାଦ ଏକ ପ୍ରମୁଖ ବିପଦ ହୋଇ ରହିଛି ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି। ଏହି ଚ୍ୟାଲେଞ୍ଜକୁ ପୂରଣ କରିବା ପାଇଁ ନିିର୍ଣ୍ଣାୟକ କାର୍ଯ୍ୟ ଆବଶ୍ୟକ । ଆତଙ୍କବାଦ ଯେକୌଣସି ରୂପରେ ହୋଇପାରେ, ଯେକୌଣସି ପ୍ରକାରେ ହୋଇପାରେ ଆମକୁ ଏହା ବିରୋଧରେ ଏକାଠି ଳଢିବାକୁ ପଡିବ । କେତେକ ଦେଶ ସୀମା ଆତଙ୍କବାଦକୁ ସେମାନଙ୍କ ନୀତିର ସାଧନ ଭାବରେ ବ୍ୟବହାର କରନ୍ତି। ଆତଙ୍କବାଦୀଙ୍କୁ ଆଶ୍ରୟ ଦେଉଛନ୍ତି। ଏଭଳି ଦେଶକୁ ସମାଲୋଚନା କରିବାକୁ ଏସସିଓ କୁଣ୍ଠାବୋଧ କରିବା ଉଚିତ୍ ନୁହେଁ।