ନୂଆଦିଲ୍ଲୀ,୪।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ସାଂଘାଇ ସହଯୋଗ ସଂଗଠନ (ଏସସିଓ)ର ଭର୍ଚୁଆଲ ଶିଖର ସମ୍ମିଳନୀ ଆୟୋଜନ କରିବେ। ଏଥିରେ ଚାଇନା ରାଷ୍ଟ୍ରପତି ସି ଜିନପିଙ୍ଗ, ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ପାକିସ୍ତାନ ପ୍ରଧାନମନ୍ତ୍ରୀ ଶହବାଜ ଶରିଫଙ୍କ ସମେତ ଅନ୍ୟ ସଦସ୍ୟ ରାଷ୍ଟ୍ରର ପ୍ରତିନିଧିମାନେ ସାମିଲ ହେବେ।
ଗତ ସପ୍ତାହରେ ମସ୍କୋକୁ ଦୋହଲାଇ ଦେଇଥିବା ସ୍ବଳ୍ପକାଳୀନ ସଶସ୍ତ୍ର ବିଦ୍ରୋହ ପରେ ପୁଟିନଙ୍କ ବହୁପକ୍ଷୀୟ ସମ୍ମିଳନୀରେ ଏହା ପ୍ରଥମ ଅଂଶଗ୍ରହଣ ହେବ। ଭାରତର ଅଧ୍ୟକ୍ଷତାରେ ଅନୁଷ୍ଠିତ ଏସସିଓ ଶିଖର ବୈଠକରେ ମଧ୍ୟ ଇରାନକୁ ଏକ ନୂତନ ସ୍ଥାୟୀ ସଦସ୍ୟ ଭାବରେ ସ୍ବାଗତ କରିବାକୁ ଯାଉଛି। ପୂର୍ବ ଲଦାଖ ସୀମାରେ ଭାରତୀୟ ଏବଂ ଚାଇନା ସୈନ୍ୟ ମଧ୍ୟରେ ତିନି ବର୍ଷରୁ ଅଧିକ ସମୟ ଧରି ଚାଲିଥିବା ବିବାଦ ଏବଂ ପ୍ରଧାନମନ୍ତ୍ରୀ ମୋଦିଙ୍କ ଆମେରିକା ଗସ୍ତର ଦୁଇ ସପ୍ତାହ ପରେ ଏହି ସମ୍ମିଳନୀ ଅନୁଷ୍ଠିତ ହେଉଛି।
