ସୋସିଆଲ ମିଡିଆରେ ସର୍ବଦା ଆକ୍ଟିଭ୍ ରହୁଥିବା ମହିନ୍ଦ୍ରା ଗ୍ରୁପ୍ର ଚେୟାରମ୍ୟାନ ଆନନ୍ଦ ମହିନ୍ଦ୍ରା ସବୁବେଳେ ମଜାଳିଆ ଭିଡିଓ ଶେୟାର କରିଥାନ୍ତି। ଏଥର ମଧ୍ୟ ସୋସିଆଲ ମିଡିଆରେ ଫଟୋ ଶେୟାର କରିଛନ୍ତି। ସେ ଏମିତି ଟୁଇଟ୍ କରିଛନ୍ତି, ଯାହାକୁ ନେଇ ଏବେ ସବୁଆଡ଼େ ଚର୍ଚ୍ଚା।
ମହିନ୍ଦ୍ରା କମ୍ପାନୀର ଏକ ସ୍କର୍ପିଓ କାର୍କୁ ଜଣେ ବ୍ୟକ୍ତି ଗଛରେ ଚେନ୍ ସାହାଯ୍ୟରେ ବାନ୍ଧି ଦେଇଛନ୍ତି। କମ୍ପାନୀର ସ୍କର୍ପିଓ ଗାଡ଼ିର ଏମିତି ଅବସ୍ଥା ଦେଖି ଆନନ୍ଦ ମହିନ୍ଦ୍ରା ଲେଖିଛନ୍ତି, ଆପଣ ଦେଖିଥିବେ ଲୋକେ ବାଇକ୍ କିମ୍ବା ସାଇକେଲକୁ ଚେନ୍ରେ ବାନ୍ଧି ରଖିଥାନ୍ତି। କାରଣ ଚୋରିରୁ ରକ୍ଷା ପାଇବା ପାଇଁ ଏମିତି କରିଥାନ୍ତି। ମାତ୍ର ଜଣେ ବ୍ୟକ୍ତି କେମିତି ସ୍କର୍ପିଓକୁ ଗଛରେ ଚେନ୍ ସାହାଯ୍ୟରେ ବାନ୍ଧିଛନ୍ତି ଦେଖନ୍ତୁ। ସେ ଲେଖିଛନ୍ତି, ମାନିବାକୁ ପଡ଼ିବ ଏହା ଏକ ହାଇଟେକ୍ ଲକିଂ ମାତ୍ର ସଲ୍ୟୁସନ ନୁହେଁ। ଏହା ମାଲିକଙ୍କ ସଂଲଗ୍ନକୁ ଦର୍ଶାଉଛି। ଏହି ଫଟୋ ଚିତ୍ରଣ କରୁଛି ମୁଁ ଲକ୍ଡାଉନ୍ରେ କେମିତି ଅନୁଭବ କରେ। ଏହି ସପ୍ତାହ ଶେଷରେ ମୁଁ ଏହି ଚେନ୍ ଛିଡ଼ାଇବାକୁ ଚେଷ୍ଟା କରିବି।
୬ ନଭେମ୍ବରରେ ଏହି ଫଟୋଟି ଆନନ୍ଦ ମହିନ୍ଦ୍ରା ନିଜର ଟୁଇଟର ପେଜ୍ରେ ଶେୟାର କରିଛନ୍ତି। ବର୍ତ୍ତମାନ ସୁଦ୍ଧା ଏହି ଫଟୋକୁ ୯ ହଜାରରୁ ଅଧିକ ଲୋକ ଲାଇକ୍ କରିସାରିଲେଣି। ୨୦୦ରୁ ଅଧିକ ଲୋକ ରିଟୁଇଟ୍ କରିଛନ୍ତି। ୟୁଜରମାନେ ଏହି ଫଟୋକୁ ବେଶ୍ ପସନ୍ଦ କରିବା ସହ ମଜାଳିଆ କମେଣ୍ଟ ସବୁ ଦେଉଛନ୍ତି।