ଗଞ୍ଜାମ,୬ା୭(ଡି.ଏନ୍.ଏ.): ଗଞ୍ଜାମ ଏନ୍ଏସି ଅଞ୍ଚଳରେ କରୋନା ପଜିଟିଭ୍ ଚି଼ହ୍ନଟ ପରେ ସ୍ଥାନୀୟ ପ୍ରଶାସନ ପକ୍ଷରୁ ବଡ଼ ବଜାର ମାର୍କେଟ କମ୍ପ୍ଲେକ୍ସକୁ ରବିବାର ରାତିରେ ସିଲ୍ କରାଯାଇଛି l ଯାହାକୁ ନେଇ ବ୍ୟବସାୟୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାିଛି। ବିନା ନୋଟିସ କିମ୍ବା ସୂଚନା ପ୍ରଦାନ ନ କରି ପ୍ରଶାସନ କିପରି ସିଲ୍ କଲl ବୋଲି ଦୋକାନୀମାନେ ଏନ୍ଏସି ଇଓ ପ୍ରଭୁ କଲ୍ୟାଣ ଦାସଙ୍କୁ ପଚାରିଥିଲେ l ଏଥିସହିତ ଶନି ଓ ରବି ଦୁଇ ଦିନ ଶଟ୍ଡାଉନ୍ ଯୋଗୁ ଲୋକେ ନାନା ହଇରାଣ ହରକତ ହେଉଛନ୍ତି। ଗୋଟିଏ ଦିନ ଲୋକଙ୍କୁ ଅତ୍ୟାବଶ୍ୟକୀୟ ସାମଗ୍ରୀ କିଣିବା ପାଇଁ ଅନୁମତି ଦେବା କଥା ବୋଲି ବଣିକ ସଂଘ କୋଷାଧ୍ୟକ୍ଷ ଜି ରାମଦାସ ରେଡ୍ଡୀ ସୂଚନା ଦେଇଛନ୍ତି। ଏ ସମ୍ପର୍କରେ ଏନ୍ଏସି ଇଓ ଦାସଙ୍କୁ ପଚାରିବାରୁ ଦୋକାନ ସିଲ୍ ପରେ ଲୋକଙ୍କୁ ଯାହା ଯାହା ଆବଶ୍ୟକ ସେଥିପାଇଁ ଆମେ ପଦକ୍ଷେପ ନେଇଛୁ ବୋଲି ସେ କହିଛନ୍ତି l