ଭୁବନେଶ୍ୱର,୧୬ା୯(ବ୍ୟୁରୋ): ପାର୍ବଣ ଋତୁରେ ଯାତ୍ରୀମାନଙ୍କ ଭିଡକୁ ଦୃଷ୍ଟିରେ ରଖି ପୂର୍ବତଟ ରେଳବାଇ ପକ୍ଷରୁ ସିଆଲଦା ଓ ପୁରୀ ମଧ୍ୟରେ ପୂଜା ସ୍ପେଶାଲ ଟ୍ରେନ ଚଲାଇବା ପାଇଁ ବ୍ୟବସ୍ଥା ହୋଇଛି। ସିଆଲଦା-ପୁରୀ ପୂଜା ସ୍ପେଶାଲ ଟ୍ରେନ ନମ୍ବର ୦୩୧୦୧ ଅକ୍ଟୋବର ୧ରୁ ୨୯ ତାରିଖ ଯାଏ (୫ ଟ୍ରିପ୍) ପ୍ରତି ଶନିବାର ରାତି ୧୧ଟା ୫୦ରେ ସିଆଲଦାରୁ ବାହାରି ପରଦିନ ପୁରୀରେ ସକାଳ ୯ଟା ୩୫ରେ ପହଞ୍ଚିବ। ସେହିପରି ପୁରୀ-ସିଆଲଦା ପୂଜା ସ୍ପେଶାଲ ଟ୍ରେନ ନମ୍ବର ୦୩୧୦୨ ଅକ୍ଟୋବର ୨ରୁ ୩୦ ମଧ୍ୟରେ (୫ ଟ୍ରିପ୍) ପ୍ରତି ରବିବାର ପୁରୀଠାରୁ ଅପରାହ୍ନ ୩ଟା ୫୦ରେ ବାହାରି ପରଦିନ ରାତି ୨ଟାରେ ସିଆଲଦାରେ ପହଞ୍ଚିବ। ଏହି ସ୍ପେଶାଲ ଟ୍ରେନ ଉଭୟ ଦିଗରେ ଭଟ୍ଟନଗର, ଆନ୍ଦୁଲ, ଖଡଗପୁର, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦୁଝର ରୋଡ୍, କଟକ, ଭୁବନେଶ୍ୱର ଓ ଖୋର୍ଦ୍ଧାରୋଡ ଷ୍ଟେଶନରେ ଅଟକିବ। ସେପ୍ଟେମ୍ବର ୧୭ରୁ ପିଆରଏସ୍ ଓ ଇଣ୍ଟରନେଟ ମାଧ୍ୟମରେ ସିଆଲଦା-ପୁରୀ ପୂଜା ସ୍ପେଶାଲ ଟ୍ରେନ ପାଇଁ ବୁକିଂ ଆରମ୍ଭ ହେବ। ଏହି ପୂଜା ସ୍ପେଶାଲ ଟ୍ରେନ ପାଇଁ ସାଧାରଣ ଦେୟଠାରୁ ଅତିରିକ୍ତ ସ୍ବତନ୍ତ୍ର ଦେୟ ନିଆଯିବ। ଏହି ଟ୍ରେନରେ କୌଣସି ରିହାତି ଯୋଗ୍ୟ ବୁକିଂ ହେବ ନାହିଁ। ତତ୍କାଳ କୋଟା ମଧ୍ୟ ଉପଲବ୍ଧ ହେବ ନାହିଁ ବୋଲି ପୂର୍ବତଟ ରେଳବାଇ ପକ୍ଷରୁ ସୂଚନା ଦିଆଯାଇଛି।