ଶ୍ରୀନଗର,୨୩।୧୨: ଜମ୍ମୁ-କଶ୍ମୀରର ରଜୌରୀ ଏବଂ ପୁଞ୍ଚରେ ଆତଙ୍କବାଦୀଙ୍କ ପାଇଁ ସୁରକ୍ଷା ବାହିନୀର ସର୍ଚ୍ଚ ଅପରେଶନ କ୍ରମାଗତ ତୃତୀୟ ଦିନ ଶନିବାର ଜାରି ରହିଛି। ରଜୌରୀ ଏବଂ ପୁଞ୍ଚରେ ମୋବାଇଲ ଇଣ୍ଟରନେଟ୍ ସେବାକୁ ମଧ୍ୟ ବନ୍ଦ କରାଯାଇଛି।
ତିନି ଦିନ ଧରି ଅପରେଶନ ସମୟରେ ଆତଙ୍କବାଦୀଙ୍କ କୌଣସି ସନ୍ଧାନ ନ ପାଇବା ପରେ ସାମରିକ ଅଧିକାରୀମାନେ ସନ୍ଦେହ କରୁଛନ୍ତି ଯେ ଆତଙ୍କବାଦୀମାନେ ଏହି ଅଞ୍ଚଳରୁ ଖସିଯିବାରେ ସଫଳ ହୋଇଛନ୍ତି। ଆଜି ମଧ୍ୟ ଗ୍ରାଉଣ୍ଡ ଅପରେଶନ ସହିତ ଡ୍ରୋନ ଏବଂ ହେଲିକପ୍ଟର ସାହାଯ୍ୟରେ ସୁରକ୍ଷା ବାହିନୀ ରଜୌରୀ ଏବଂ ପୁଞ୍ଚର ଘଞ୍ଚ ଜଙ୍ଗଲରେ ଆତଙ୍କବାଦୀଙ୍କ ସନ୍ଧାନରେ ସର୍ଚ୍ଚ ଅପରେଶନ ଚଳାଇଛି।