Harare: Pakistan batsman Abid Ali celebrates after scoring 200 runs during the second test cricket match against Zimbabwe at Harare Sports Club, Zimbabwe, Saturday, May, 8, 2021. AP/PTI Photo(AP05_08_2021_000195B)
ହରାରେ,୯।୫: ଜିମ୍ବାଓ୍ବେ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍ରେ ଭ୍ରମଣକାରୀ ପାକିସ୍ତାନ ଓପନର ଆବିଦ ଅଲିଙ୍କ ଅପରାଜିତ ୨୧୫ ରନର ଦ୍ୱିଶତକୀୟ ଇନିଂସ ଓ ଆଝାର ଅଲିଙ୍କ ୧୨୬ ରନର ଶତକ ବଳରେ ସ୍ଥିତି ଦୃଢ କରିଛି। ଟସ୍ ଜିତି ପାକିସ୍ତାନ ପ୍ରଥମ ଇନିଂସରେ ୧୪୭.୧ ଓଭରରେ ୮ ଉଇକେଟ ହରାଇ ୫୧୦ ରନକରି ଇନିଂସ ଘୋଷଣା କରିଥିଲା। ଜବାବରେ ଜିମ୍ବାଓ୍ବେ ପ୍ରଥମ ଇନିଂସ ଆରମ୍ଭ କରି ଶନିବାର ଦ୍ୱିତୀୟ ଦିବସ ଖେଳ ଶେଷ ସୁଦ୍ଧା ୩୦ ଓଭରରେ ୪ ଉଇକେଟ ହରାଇ ୫୨ ରନ ସଂଗ୍ରହ କରିଛି। ଫଳରେ ଜିମ୍ବାଓ୍ବେ ୬ ଉଇକେଟ ହାତରେ ରଖି ୪୫୮ ରନ ପଛରେ ପଡିଛି। ବୃହତ୍ ଅଗ୍ରଣୀ ହାସଲ କରିବା ସମ୍ଭାବନା ସୃଷ୍ଟି କରି ପାକିସ୍ତାନ ସ୍ଥିତି ଦୃଢ କରିଛି। ଷ୍ଟମ୍ପ ଅପସାରଣ ବେଳକୁ ଟେଣ୍ଡାଇ ଚିସୋରୋ ୧ ଓ ଉଇକେଟକିପର ବ୍ୟାଟ୍ସମ୍ୟାନ ରେଗିସ ଚକଭା ୨୮ ରନକରି ଅପରାଜିତ ରହିଛନ୍ତି। ଚକଭାଙ୍କୁ ବାଦ୍ ଦେଲେ ଅନ୍ୟ କୌଣସି ବ୍ୟାଟ୍ସମ୍ୟାନ ଦୁଇଅଙ୍କ ଛୁଇଁ ପାରିନାହାନ୍ତି। ବୋଲିଂରେ ପାକିସ୍ତାନ ତରଫରୁ ଶାହିନ ଶାହା ଆଫ୍ରିଦି, ତାବିସ ଖାଁ, ହାସନ ଅଲି ଓ ସାଜିଦ ଖାଁ ଗୋଟିଏ ଲେଖାଏ ଉଇକେଟ ଅକ୍ତିଆର କରିଥିଲେ।
ଅସମାପ୍ତ ପ୍ରଥମ ଇନିଂସ ସ୍କୋର ୨୬୮/୪ରୁ ପାକିସ୍ତାନ ଶନିବାର ଖେଳ ଆରମ୍ଭ କରିଥିଲା। ଓଭରନାଇଟ୍ ବ୍ୟାଟ୍ସମ୍ୟାନ ଆବିଦ ଅଲି ୧୧୮ରୁ ଖେଳ ଆରମ୍ଭ କରି ଦ୍ୱିଶତକ ହାସଲ କରି ଆଉଟ ହୋଇଥିଲେ। ସେହିପରି ୧ ରନରୁ ଖେଳ ଆରମ୍ଭ କରି ସାଜିଦ ଖାଁ ୨୦ ରନ କରି ଆଉଟ ହୋଇଥିଲେ। ଉଇକେଟକିପର ବ୍ୟାଟ୍ସମ୍ୟାନ ମହମ୍ମଦ ରିଜଓ୍ବାନ ୨୧ ରନକରି ଆଉଟ ହୋଇଥିବା ବେଳେ ନୌମାନ ଅଲି ୯୭ ରନକରି ଆଉଟ ହେବା ସହ ୩ ରନ ପାଇଁ ଶତକରୁ ବଞ୍ଚିତ ହୋଇଥିଲେ। ଜିମ୍ବାଓ୍ବେ ତରଫରୁ ବୋଲିଂରେ ବ୍ଲେସିଂ ମୁଜାରବାନୀ ସର୍ବାଧିକ ୩, ଟେଣ୍ଡାଇ ଚିସୋରୋ ୨, ରିଚାର୍ଡ ଏନ୍ଗାରାଭା, ଲୁକ୍ ଜୋଙ୍ଗ୍ଓ୍ବେ ଓ ଡୋନାଲ୍ଡ ତିରିପାନୋ ଗୋଟିଏ ଲେଖାଏ ଉଇକେଟ ଅକ୍ତିଆର କରିଥିଲେ।
ସଂକ୍ଷିପ୍ତ ସ୍କୋର:
ପାକିସ୍ତାନ ପ୍ରଥମ ଇନିଂସ: ୧୪୭.୧ ଓଭରରେ ୫୧୦/୮ ଇନିଂସ ଘୋଷଣା
(ଆବିଦ ଅଲି- ୨୧୫*, ଆଝାର ଅଲି- ୧୨୬, ନୌମାନ ଅଲି- ୯୭, ବ୍ଲେସିଂ ମୁଜାରବାନୀ- ୩/୮୨, ଟେଣ୍ଡାଇ ଚିସୋରୋ- ୨/୧୩୧)।
ଜିମ୍ବାଓ୍ବେ ପ୍ରଥମ ଇନିଂସ:
୩୦ ଓଭରରେ ୫୨/୪
(ରେଗିସ ଚକଭା- ୨୮*, ହାସନ ଅଲି- ୧/୭, ସାଜିଦ ଖାଁ- ୧/୦, ଶାହିନ ଶାହା ଆଫ୍ରିଦି- ୧/୧୬, ତାବିସ ଖାଁ- ୧/୨୨)।