ଶ୍ରୀନଗର,୨୮।୨: ଜମ୍ମୁ-କଶ୍ମୀରରେ ସୁରକ୍ଷାକର୍ମୀଙ୍କୁ ମଙ୍ଗଳବାର ଏକ ସଫଳତା ମିଳିଛି। ପୁଲାଓ୍ବାମା ଜିଲାର ଅବନ୍ତପୋରାରେ ଜାରି ରହିଥିବା ସୁରକ୍ଷାକର୍ମୀଙ୍କ ସର୍ଚ୍ଚ ଅପରେଶନ୍ ସମୟରେ ୨ଆତଙ୍କବାଦୀଙ୍କ ମୃତ୍ୟୁ ହୋଇଛି। ଏହି ସମୟରେ ଜଣେ ଯବାନ ମଧ୍ୟ ଶହୀଦ ହୋଇଥିବା ଜଣାପଡ଼ିଛି। ମୃତ ଆତଙ୍କବାଦୀଙ୍କଠାରୁ ଗୋଟିଏ ଏକେ-୪୭ ରାଇଫଲ, ଗୋଟିଏ ଏକେ-୫୬ ରାଇଫଲ, ଗୁଳିଗୋଳା ଓ ମାଗାଜିନ୍ ଜବତ ହୋଇଛି। ଉକ୍ତ ଅଞ୍ଚଳରେ ଏବେ ବି ସର୍ଚ୍ଚ ଅପରେଶନ୍ ଜାରି ରହିଛି। ପୋଲିସ ଗୋଇନ୍ଦା ସୂତ୍ର ଅନୁସାରେ ଉକ୍ତ ଅଞ୍ଚଳରେ ଏବେ ବି ଆଉ ଜଣେ ଆତଙ୍କବାଦୀ ଲୁଚିରହିଛନ୍ତି। ଯାହାକୁ ନେଇ ସୁରକ୍ଷାକର୍ମୀ ସତର୍କ ରହିବା ସହ ଲଗାତର ଭାବେ ସର୍ଚ୍ଚ ଅପରେଶନ୍ ଜାରି ରଖିଛନ୍ତି।