ଜମ୍ମୁ-କଶ୍ମୀରରେ ଦେଶଦ୍ରୋହ-ଆତଙ୍କବାଦ ବିରୋଧୀ ଆଇନର ହୋଇଛି ଅପବ୍ୟବହାର,ଅବସରପ୍ରାପ୍ତ ବିଚାରପତି-ସରକାରୀ କର୍ମଚାରୀଙ୍କ ଅଭିଯୋଗ…

ନୂଆଦିଲ୍ଲୀ, ୮।୮ : ଉପରାଜ୍ୟପାଳଙ୍କ ଶାସନ ଅଧୀନରେ ଜମ୍ମୁ-କଶ୍ମୀରରେ ନାଗରିକଙ୍କ ଅବସ୍ଥା ଦିନକୁ ଦିନ ବିଗିଡିବାରେ ଲାଗିଛି। ବିଚାରପତି ତଥା ପୂର୍ବତନ ସରକାରୀ କର୍ମଚାରୀଙ୍କ ପକ୍ଷରୁ ଏହି ଭଅିଯୋଗ ଅଣାଯାଇଛି ଦିଲ୍ଲୀ ହାଇକୋର୍ଟର ପୂର୍ବତନ ପ୍ରଧାନ ବିଚାରପତି ଜଷ୍ଟିସ ଏପି ଶାହାଙ୍କ ନେତୃତ୍ୱରେ ଏହି ରିପୋର୍ଟରେ ଅବସରପ୍ରାପ୍ତ ଜଷ୍ଟିସ ରଞ୍ଜନ ପ୍ରକାଶ ଦେଶାଇ କମିଶନଙ୍କ ଦ୍ୱାରା ସୁପାରିଶ କରାଯାଇଥିବା ପରିସିମନକୁ ମଧ୍ୟ ସମାଲୋଚନା କରାଯାଇଛି। ଏହି ରିପୋର୍ଟରେ ଦ କାଶ୍ମୀର ଫାଇଲ୍ସର ଚାରିଆଡ଼େ ଚାଲିଥିବା ପ୍ରଚାରକୁ ମଧ୍ୟ କଡ଼ା ସମାଲୋଚନା କରାଯାଇଛି ଏବଂ ଏହି ଚଳଚ୍ଚିତ୍ର ଜମ୍ମୁ-କଶ୍ମୀରରେ ଗ୍ରାମ ମୁଖିଆ ଏବଂ ପଣ୍ଡିତଙ୍କୁ ଅଧିକ ଅସୁରକ୍ଷିତ କରିଛି ବୋଲି ଉଲ୍ଲେଖ କରାଯାଇଛି।

ତିନି ବର୍ଷ ପରେ ଉପରାଜ୍ୟପାଳଙ୍କ ଶାସନ ପରେ ନାଗରିକ ସୁରକ୍ଷା ଅବସ୍ଥା ବିଗିଡି ଯାଇଛି। କାର୍ଯ୍ୟକର୍ତ୍ତା ତଥା ଗଣମାଧ୍ୟମ ପ୍ରତିନିଧିଙ୍କ ବିରୋଧରେ ୟୁଏପିଏ ଏବଯ ପିଏସଏ ଭଳି ଦେଶଦ୍ରୋହ ତଥା ଆତଙ୍କବାଦ ବିରୋଧୀ ଆଇନର ଅପବ୍ୟବହାର ଜାରି ରହିଛି ବୋଲି ରିପୋର୍ଟରେ କୁହାଯାଇଛି। ୟୁନିଅନ ଟେରିଟୋରୀ ଭାବରେ ତିନି ବର୍ଷ: ଜମ୍ମୁ-କଶ୍ମୀରରେ ମାନବିକ ଅଧିକାର’ର ବାର୍ଷିକ ରିପୋର୍ଟ’ ଜାମ୍ମୁ କାଶ୍ମୀରରେ ମାନବ ଅଧିକାର ନାମକ ଏକ ସ୍ବାଧୀନ ଫୋରମ ସହିତ ଅଂଶୀଦାର କରାଯାଇଥିଲା।

ଏହି ଫୋରମ ହେଉଛି ଏକ ସ୍ବାଧୀନ ସଂସ୍ଥା ଯାହାକି ଦିଲ୍ଲୀ ହାଇକୋର୍ଟର ପୂର୍ବତନ ପ୍ରଧାନ ବିଚାରପତି ଏପି ଶାହା ଏବଂ ପୂର୍ବତନ କେନ୍ଦ୍ର ସ୍ବରାଷ୍ଟ୍ର ସଚିବ ଗୋପାଳ ପିଲ୍ଲାଇଙ୍କ ଦ୍ୱାରା ପରିଚାଳିତ। ଏହି ଫୋରମର ଅନ୍ୟ ସଦସ୍ୟମାନେ ହେଉଛନ୍ତି ସୁପ୍ରିମକୋର୍ଟର ଜଷ୍ଟିସ ରୁମା ପାଲ ଏବଂ ମଦନ ଲୋକୁର, ପୂର୍ବତନ ବୈଦେଶିକ ସଚିବ ନିରୁପାମା ରାଓ ଏବଂ ଅବସରପ୍ରାପ୍ତ ଲ୍ୟୁଟନାଟ ଜେନେରାଲ ଏଚ ପାନାଗପ୍ରମୁଖ।

ଅଗଷ୍ଟ ୨୦୨୧ ରୁ ଜୁଲାଇ ୨୦୨୨ ପର୍ଯ୍ୟନ୍ତ ଏହି ଫୋରମ ଏହାର ରିପୋର୍ଟ ଉପସ୍ଥାପନ କରିଛି । ରିପୋର୍ଟରେ ଦର୍ଶାଯାଇଛି ଯେ ଜଷ୍ଟିସ ଦେଶାଇ କମିଶନଙ୍କ ଦ୍ୱାରା ସୁପାରିଶ କରାଯାଇଥିବା ଅନୁଶାସିତ ଏକ-ବ୍ୟକ୍ତି ଗୋଟିଏ-ଭୋଟ ନୀତିର ଉଲ୍ଲଂଘନ କରୁଛି। ଏଥି ସହ ଜମ୍ମୁ-କଶ୍ମୀରରେ ରାଜ୍ୟ ମାନ୍ୟତା ଫେରାଇ ଆଣିବାକୁ କେନ୍ଦ୍ର ସରକାରଙ୍କୁ ନିବେଦନ କରାଯାଇଛି। ନିର୍ବାଚନ ଆୟୋଗ ବିଧାନସଭା ନିର୍ବାଚନର ତାରିଖ ଘୋଷଣା କରିବା ଉଚିତ ଏବଂ ଏହାକୁ ପୂର୍ବ ନିର୍ଦ୍ଧାରିତ ନିର୍ବାଚନମଣ୍ଡଳୀ ଅଧୀନରେ ରଖିବା ଉଚିତ ବୋଲି ଆୟୋଗ କହିଛନ୍ତି। ଏହି ରିପୋର୍ଟରେ ସରକାର କଶ୍ମୀର ପଣ୍ଡିତ ସରକାରୀ କର୍ମଚାରୀଙ୍କୁ ସ୍ଥାନାନ୍ତର କରିବାକୁ କୁହାଯାଇଛି।

ଉପତ୍ୟକା ମଧ୍ୟରେ ସୁରକ୍ଷିତ ସ୍ଥାନରେ ଫିଲ୍ମ ଦ କାଶ୍ମୀର ଫାଇଲର ପ୍ରମୋଶନ ଯୋଗୁ ସ୍ଥାନୀୟ ବାସିନ୍ଦା ଅସୁରକ୍ଷିତ ହୋଇପଡିଥିବା ରିପୋର୍ଟରେ ଦର୍ଶାଯାଇଛି। ଉପତ୍ୟକାର ପରିସ୍ଥିତି ଉପରେ ସରକାରଙ୍କ ଆଭିମୁଖ୍ୟର ଏହି ରିପୋର୍ଟ ସମ୍ପୂର୍ଣ୍ଣ ବିପରୀତ ଚିତ୍ର ପ୍ରଦାନ କରୁଛି। ଗତ ମାସରେ ସ୍ବରାଷ୍ଟ୍ର ରାଷ୍ଟ୍ରମନ୍ତ୍ରୀ ନିତ୍ୟାନନ୍ଦ ରାୟ ସଂସଦକୁ କହିଥିଲେ ଯେ ୨୦୨୨ରେ କୌଣସି କଶ୍ମୀର ପଣ୍ଡିତ ନିଜର ଭିଟାମାଟି ଛାଡି ନାହାଁନ୍ତି। ଆତଙ୍କବାଦୀଙ୍କ ଟାର୍ଗେଟରେ ହତ୍ୟା ପରେ ସମ୍ପ୍ରଦାୟର ଅନେକ ସଦସ୍ୟ ବାସସ୍ଥାନ ଛାଡିବାକୁ ଧମକ ପାଇଥିବା ରିପୋର୍ଟକୁ ମଧ୍ୟ ସେ ଅସ୍ବୀକାର କରିଥିଲେ।

ପ୍ରଧାନମନ୍ତ୍ରୀଙ୍କ ସ୍ବତନ୍ତ୍ର ନିଯୁକ୍ତି ପ୍ୟାକେଜ ଭାବରେ ୨୦୧୦ ରୁ ଫେରି ଆସିଥିବା ୪,୦୦୦ ରୁ ଅଧିକ କଶ୍ମୀର ପଣ୍ଡିତ ସରକାରୀ କର୍ମଚାରୀ ଅତି କମରେ ଏକ ମାସ ପର୍ଯ୍ୟନ୍ତ ସେମାନଙ୍କ କାର୍ଯ୍ୟରେ ଯୋଗଦେବାକୁ ମନା କରିଦେଇଥିଲେ। ଖବର ଅନୁଯାୟୀ, ସେମାନଙ୍କ ମଧ୍ୟରୁ ଅଧିକାଂଶ ଜମ୍ମୁକୁ ଚାଲି ଯାଇଥିବା ରିପୋର୍ଟରେ କୁହାଯାଇଛି।