ଦୁବାଇ,୨୯।୧୦: ଟି -୨୦ ବିଶ୍ୱକପ ୨୦୨୧ରେ ଭାରତୀୟ କ୍ରିକେଟ ଦଳର ଯାତ୍ରା ବିପର୍ଯ୍ୟୟରୁ ଆରମ୍ଭ ହୋଇଛି। ସୁପର -୧୨ ପର୍ଯ୍ୟାୟର ପ୍ରଥମ ମ୍ୟାଚ୍ରେ ଚିରପ୍ରତିଦ୍ୱନ୍ଦ୍ୱୀ ପାକିସ୍ତାନଠାରୁ ୧୦ ଉଇକେଟ ହରାଇ ପରାସ୍ତ ହୋଇଛି ଭାରତ। ଅକ୍ଟୋବର ୩୧ରେ ଦଳ ନ୍ୟୁଜିଲାଣ୍ଡକୁ ସାମ୍ନା କରିବାକୁ ପଡିବ, ଯେଉଁଥି ପାଇଁ ଖେଳାଳିମାନେ କଠିନ ପ୍ରସ୍ତୁତି କରୁଛନ୍ତି।ନେଟ ଅଭ୍ୟାସରେ ବିରାଟ କୋହଲି ମଧ୍ୟ ବହୁତ ଝାଳ ବୁହାଉଛନ୍ତି।
ଆଇସିସି ଭାରତୀୟ ଦଳର ଅଭ୍ୟାସ ସିଜିନ୍ର ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରିଛି। ବିରାଟ ନେଟ ଅଭ୍ୟାସ ସମୟରେ ଭଲ ସଟ ଖେଳୁଥିବାର ନଜର ଆସିଛନ୍ତି। ବିଶେଷ କଥା ହେଉଛି ଯୁବ କ୍ରିକେଟର ଇଶାନ କିଶନ ଏବଂ ଶ୍ରେୟାସ ଆୟର କୋହଲିଙ୍କୁ ଦେଖୁଛନ୍ତି। ଏହି ସମୟରେ, ବିରାଟ ଏପରି ସଟ୍ ମାରିବା ଦେଖି ଇଶାନ ଆଶ୍ଚର୍ଯ୍ୟ ହୋଇଯାଇଥିଲେ। ସେ ବଲ୍କୁ ଏପରି ଚାହିଁଥିଲେ ଯେ, ତାଙ୍କ ପାଟି ସେମିତି ଖୋଲା ରହିଥାଏ।
ବିରାଟଙ୍କ ନିଟ ଅଭ୍ୟାସର ଏହି ଭିଡିଓ ପ୍ରାୟ ଏକ ଘଣ୍ଟା ମଧ୍ୟରେ ୪.୫ ଲକ୍ଷରୁ ଅଧିକ ଥର ଦେଖାଯାଇଛି। କେବଳ ଏତିକି ନୁହେଁ, ୧୧୦୦ରୁ ଅଧିକ ୟୁଜର୍ସ ଏହା ଉପରେ କମେଣ୍ଟ ଦେଇଛନ୍ତି।