ଭାରତୀୟ କ୍ରିକେଟ୍ର ଦ ଓ୍ବାଲ୍ ନାମରେ ପରିଚିତ ରାହୁଲ ଦ୍ରାବିଡ ଜଣେ ଭଦ୍ର ବ୍ୟକ୍ତି ଭାବେ ଜଣାଶୁଣା। ପଡିଆରେ ବେଶ୍ ଶାନ୍ତ ରହୁଥିବା ଦ୍ରାଭିଡ ସମସ୍ତଙ୍କ ପାଇଁ ପ୍ରେରଣାର ଉତ୍ସ ହୋଇ ରହିଆସିଛନ୍ତି। ନିକଟରେ ଏକ ବିଜ୍ଞାପନରେ ଦ୍ରାବିଡଙ୍କ ଜଣେ ରାଗି ବ୍ୟକ୍ତି ଭାବରେ ନଜର ଆସୁଛନ୍ତି। ଏହି ବିଜ୍ଞାପନକୁ ନେଇ ସେ ଏବେ ଚର୍ଚ୍ଚାରେ ଅଛନ୍ତି। ଭାରତୀୟ ଅଧିନାୟକ କୋହଲି ରାହୁଲଙ୍କ ଏହି ରୂପ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି। ଏହି ବିଜ୍ଞାପନ ବିଷୟରେ କହିବାକୁ ଯାଇ ଭାରତର ପୂର୍ବତନ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହ୍ବାଗ ୧୫ ବର୍ଷ ପୁରୁଣା କାହାଣୀ ବିଷୟରେ ଉଲ୍ଲେଖ କରିଛନ୍ତି। ସେହ୍ବାଗ କହିଛନ୍ତି ଯେ, ୨୦୦୬ରେ ପାକିସ୍ତାନ ବିପକ୍ଷ ଏକ ଦିନିକିଆ ମ୍ୟାଚ ସମୟରେ ଯୁବ ମହେନ୍ଦ୍ର ସିଂ ଧୋନୀ ଏକ ଢିଲା ସର୍ଟ ଖେଳି ନିଜ ଉଇକେଟ ହରାଇଥିଲେ। ଏଥିରେ ରାଗିଯାଇଥିଲେ ଅଧିନାୟକ ରାହୁଲ ଦ୍ରାବିଡ। ସେତେବେଳେ ‘ମୁଁ ରାହୁଲ ଦ୍ରାବିଡଙ୍କ କେତେ ରାଗିପାରନ୍ତି ତାହା ଦେଖିଥିଲି। ସେହ୍ବାଗ କହିଛନ୍ତି ଯେ, ଧୋନୀ ପରବର୍ତ୍ତୀ ସମୟରେ ବ୍ୟାଟିଂ କରିବାକୁ ଆସିଥିଲେ, ମୁଁ ଦେଖିପାରୁଥିଲି ଯେ ସେ ଅଧିକ ସର୍ଟ ମାରି ନ ଥିଲେ। ମୁଁ ଯାଇ ତାଙ୍କୁ ପଚାରିଲି କ’ଣ ହେଲା? ସେ କହିଥିଲେ ଯେ ଦ୍ରାଭିଡ଼ଙ୍କ ଠାରୁ ଆଉ ଗାଳି ଶୁଣିବାକୁ ଚାହୁଁନାହାନ୍ତି। ତୃତୀୟ ନମ୍ବରରେ ବ୍ୟାଟିଂ କରୁଥିବା ଦ୍ରାବିଡ ପ୍ରଥମେ ୨୦୦୦ରେ ଗାଙ୍ଗୁଲିଙ୍କ ଅନୁପସ୍ଥିତିରେ ଅଧିନାୟକତ୍ୱ ଗ୍ରହଣ କରିଥିଲେ।
ସୌରଭ ଗାଙ୍ଗୁଲିଙ୍କ ଯୁଗ ଶେଷ ହେବା ପରେ ଦ୍ରାଭିଡଙ୍କୁ ପୂର୍ଣ୍ଣକାଳୀନ ଅଧିନାୟକ ମଧ୍ୟ କରାଯାଇଥିଲା। ତାଙ୍କ ନେତୃତ୍ୱରେ ଭାରତ ୨୦ଟି ଟେଷ୍ଟ, ୬୨ଟି ଏକଦିବସୀୟ ଖେଳିଥିଲା।
