ନୂଆଦିଲ୍ଲୀ,୪।୮: ଟିମ ଇଣ୍ଡିଆର ପୂର୍ବତନ ଓପନର୍ ବୀରେନ୍ଦ୍ର ସେହ୍ବାଗ ମଙ୍ଗଳବାର ଏଭଳି ଏକ ଟୁଇଟ୍ କରିଛନ୍ତି ଯାହା ପରେ ସମସ୍ତ ପ୍ରଶଂସକ ଆଶ୍ଚର୍ଯ୍ୟ ହୋଇଯାଇଛନ୍ତି। ସେହ୍ବାଗ କହିଛନ୍ତି ଯେ, ତାଙ୍କ ଫୋନ ସାୱରରେ ପଡି ଯାଇଛି ଏବଂ ଠିକ୍ ନ ହେବା ପର୍ଯ୍ୟନ୍ତ ଆପଣ ମୋ ସହିତ ୯୧୧୨୦୮୩୩୧୯ରେ କଥା ହୋଇପାରିବେ। ସେହ୍ବାଗଙ୍କ ଏହି ଟୁଇଟ୍କୁ ଦେଖି ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଥିଲେ କାରଣ କୌଣସି ସେଲିବ୍ରିଟି ସୋସିଆଲ ମିଡିଆରେ ସେମାନଙ୍କ ନମ୍ବର ପୋଷ୍ଟ କରନ୍ତି ନାହିଁ କିନ୍ତୁ ନଜଫଗଡର ନବାବ ଏହା କରିଥିଲେ। ଯଦିଓ ପ୍ରଶଂସକମାନେ ଅନୁଭବ କରୁଥିଲେ ଯେ ବେଧହୁଏ ସେହ୍ବାଗର ଟୁଇଟ୍ର ଆକାଉଣ୍ଟ ହ୍ୟାକ ହୋଇଛି। ଅନେକ ପ୍ରଶଂସକ ଏପରିକି ସେହ୍ବାଗଙ୍କ ନମ୍ବରକୁ୍ ଫୋନ କରିଥିଲେ ଏବଂ ଲୋକମାନେ ଏହାର ସ୍କ୍ରିନ ସଟ ମଧ୍ୟ ପୋଷ୍ଟ କରିଥିଲେ।
ଏହି ନମ୍ବରକୁ ଡାଏଲ କରିବା ସମୟରେ ବୀରେନ୍ଦ୍ର ସେହ୍ବାଗ ନାମ ଲେଖା ଆସୁଛି। ଏଭଳି ପରିସ୍ଥିତିରେ ପ୍ରଶଂସକମାନେ ଚିନ୍ତା କରୁଛନ୍ତି ଯେ ଏହା ପ୍ରକୃତରେ ସେହ୍ବାଗଙ୍କ ନମ୍ବର କି? ଉଲ୍ଲେଖଥାଉ କି, କିଛି ଉପଭୋକ୍ତା ସେହ୍ବାଗଙ୍କ ଫୋନ ନମ୍ବରକୁ ମଧ୍ୟ ଡିକୋଡିଂ କରୁଛନ୍ତି। କିଛି ପ୍ରଶଂସକ ବିଶ୍ୱାସ କରନ୍ତି ଯେ ଏହି ସଂଖ୍ୟାରେ ସେହ୍ବାଗରେ ତାଙ୍କର କିଛି ସ୍ମରଣୀୟ ଇନିଂସର ସ୍କୋର ରେକର୍ଡ କରାଯାଇଛି। ଫୋନ ନମ୍ବର ଶେଷରେ ୩୧୯ ନମ୍ବର ହେଉଛି ଟେଷ୍ଟ କ୍ରିକେଟ ରେ ସେହ୍ବାଗଙ୍କ ସର୍ବୋତ୍ତମ ସ୍କୋର। ଏହି ସମୟରେ, ଫୋନ ନମ୍ବର ମଧ୍ୟରେ ୮୩ ଅଙ୍କ ମଧ୍ୟ ଅଛି। ୨୦୦୩ ବିଶ୍ୱକପ ଫାଇନାଲରେ ସେହ୍ବାଗଙ୍କ ଦ୍ୱାରା ଏହି ସ୍କୋର କରାଯାଇଥିଲା। ଏହା ମଧ୍ୟ ହୋଇପାରେ ଯେ ସେହ୍ବାଗ ଉଦ୍ଦେଶ୍ୟମୂଳକ ଭାବେ ଏହି ରହସ୍ୟମୟ ଟୁଇଟ୍ କରିଛନ୍ତି ଏବଂ ସେ ଖୁବ ଶୀଘ୍ର ପ୍ରଶଂସକମାନଙ୍କୁ ଏହି ଟୁଇଟ୍ର ରହସ୍ୟ ଜଣାଇବେ।