ଛତ୍ରପୁର,୨୦।୧୧(ଡି.ଏନ୍.ଏ.): ଗଞ୍ଜାମ ଜିଲା ଛତ୍ରପୁର ନୂତନ ବସଷ୍ଟାଣ୍ଡ ନିକଟରେ ଗୃହ ବିଭାଗର ନିଜସ୍ବ ଜମି ରହିଥିବା ବେଳେ କିଛି ଲୋକେ ତାହାକୁ ଅକ୍ତିଆର କରିବା ସହ ଘରକରି ରହିଥିଲେ । ଏ ନେଇ ବାରମ୍ବାର ପୋଲିସ ପକ୍ଷରୁ କହିବା ସତ୍ତ୍ୱେ ବ୍ୟକ୍ତି ଜଣକ ଏହା ଛାଡିବା ପାଇଁ ନାରାଜ ହେଉଥିଲେ । ଏ ନେଇ ଉକ୍ତ ଜାଗାରେ ଜବରଦଖଲ ଉଚ୍ଛେଦ କରାଯାଇଛି । ବ୍ୟାପକ ପୋଲିସ ଫୋର୍ସ ଉପସ୍ଥିତିରେ ଜେସିବି ଲଗାଇ ଘରକୁ ଭଙ୍ଗା ଯାଇଥିଲା । ଏପରିକି ସେଠାରେ ଗଞ୍ଜାମ ପୋଲିସ ପକ୍ଷରୁ ଏହ ଗୃହ ବିଭାଗର ଜମି ଅନାଧିକାର ପ୍ରବେଶ ନିଷେଧ ଫଳକ ରଖାଯାଇଥିବା ସତ୍ତ୍ୱେ କିଛି ଲୋକ ବହୁ ଏକର ଜମିକୁ ଅକ୍ତିଆର କରିରଖିଥିଲେ । ଉକ୍ତ ସ୍ଥାନରେ ପୋଲିସ କ୍ୱାଟର ହେବାର ରହିଛି । ଛତ୍ରପୁର ଥାନା ଅଧିକାରୀ ସତ୍ୟ ରଞ୍ଜନ ପ୍ରଧାନଙ୍କ ଉପସ୍ଥିତିରେ ଉକ୍ତ ଘରକୁ ଭଙ୍ଗା ଯାଇଛି ।
