ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ। ସେଥିରୁ କିଛି ଭିଡିଓରେ ଲୋକଙ୍କ ସାହସକୁ ଦେଖିଲେ ଲୋମ ଟାଙ୍କୁରି ଉଠେ। ବିଶେଷକରି ଯେତେବେଳେ ଲୋକମାନେ ବନ୍ୟ ଜନ୍ତୁମାନଙ୍କ ସାମ୍ନାରେ ପହଞ୍ଚିବା ପରେ ଫଟୋ ଏବଂ ଭିଡିଓ ନେବାକୁ ଚାହାନ୍ତି। ପରବର୍ତ୍ତୀ ମୁହୂର୍ତ୍ତରେ ଏହି ସେଲ୍ଫି ସେମାନଙ୍କ ପାଇଁ ବିପଜ୍ଜନକ ହୋଇଥାଏ। ଏବେ ସେମିତି ଏକ ଭିଡିଓ ଭାଇରାଲ ହେବାରେ ଲାଗିଛି।
ସଫାରି ଯାତ୍ରା ସମୟରେ ପ୍ରକୃତିକୁ ଅତି ନିକଟରୁ ଜାଣିବାର ସୁଯୋଗ ରହିଥାଏ। ଏହି ସମୟରେ ବନ୍ୟଜନ୍ତୁମାନଙ୍କୁ ଅତି ନିକଟରେ ଦେଖିବାକୁ ମିଳେ। ଭାଇରାଲ ହେଉଥିବା ଏହି ଭିଡିଓରେ ଏକ ଚିତା ଆସି ସଫାରି ଜିପ୍ ଉପରେ ଚଢ଼ିଯାଉଛି। ଏହି ଜିପ୍ରେ ଥିବା ଜଣେ ବ୍ୟକ୍ତି ଚିତା ସହିତ ସେଲ୍ଫି ନେଉଥିବାର ନଜର ଆସିଛନ୍ତି।
ଭିଡିଓରେ ସଫାରି ଜିପ୍ଟି ଜଙ୍ଗଲରେ ପାର୍କିଂ କରାଯାଇଛି। ଚିତାବାଘଟି ଧିରେ ଧିରେ ସଫାରି ଉପରକୁ ଡେଉଁଛି। ପରେ ସେ ଜିପ୍ ଭିତରକୁ ଚାହୁଁଛି। ଏହା ପରେ ଗୋଟିଏ ପାର୍ଶ୍ୱରେ ବସିଯାଉଛି। ଏହି ସମୟରେ ଜିପ୍ରେ ବସିଥିବା ସମସ୍ତ ପର୍ଯ୍ୟଟକ ଭୟଭୀତ ହୋଇଯାଉଥିବା ବେଳେ ଜଣେ ସଫାରି ଗାଇଡ୍ ତାଙ୍କ ଆସନରୁ ଉଠି ଚିତା ସହିତ ସେଲ୍ଫି ନେଉଛନ୍ତି।
ଏହି ଭିଡିଓକୁ ଆଇଏଫ୍ଏସ୍ ଅଧିକାରୀ କ୍ଲେମେଣ୍ଟ ବେନ୍ ଟୁଇଟରରେ ଶେୟାର କରିଛନ୍ତି। ଭିଡିଓକୁ ଏପର୍ଯ୍ୟନ୍ତ ୮୧ ହଜାରରୁ ଅଧିକ ଥର ଦେଖାସରିଲାଣି। ଲୋକମାନେ ଏହାକୁ କ୍ରମାଗତ ଭାବରେ ଦେଖୁଛନ୍ତି। ଭିଡିଓରେ ଉକ୍ତ ବ୍ୟକ୍ତିଙ୍କ ଅତି ନିକଟରେ ଚିତା ବସିଛି। ଆଉ ସେ ସେଲ୍ଫି ନେଉଛନ୍ତି। ଏହି ଭିଡିଓ ଦେଖି ୟୁଜର ପଚାରିଛନ୍ତି, ଏହି ବ୍ୟକ୍ତି ଜୀବିତ ନା ମୃତ? ଜଣେ ୟୁଜର ଲେଖିଛନ୍ତି, ‘ଭାଇ’ ଯମରାଜଙ୍କ ସହିତ ଏହା ଏକ ସେଲ୍ଫି।